________________
संवेग
रंगसाला
गिरिशुकयोः सङ्गेन गुणदोषग्रहणम्।
॥४०७||
पत्तो य तावसाऽऽसम-समीवदेसम्म कहवि तुडिजोगा। इयरसुगेणं दट्ठण, महुरवाणीए तो भणियं ॥५२४८|| हंहो तारसमुणिणा!, तुरंगहरिओ नराहियो एसो। एइ चउराऽऽसमगुरू, ता कुणह इमस्स पडिबत्ति ॥५२४९॥ तव्वयणेण य सन्चा-यरेण निययाऽऽसमम्मि नरनाहो । नेऊण तावसेहि, उवयरिओ भोयणाऽऽईहिं॥५२५०॥ अह वीसत्थसरीरो, विम्हइयमणो नियो सुगं भणइ । तुल्लम्मि वि तिरियत्त, विसरिससीलत्तणं कि मे ॥५२५१॥ जेणं स मिल्लपल्ली-सुगो तहा निद्वरं पयंपेइ । तुममऽवि एवं मंजुल-गिराए उल्लवसि हियमेव ॥५२५२॥ ताहे सुगेण सिटुं, एगा जणणी पिया वि एक्को य । मम तस्स य नवंर सो, नीओ पल्लीए भिल्लेहिं ॥५२५३।। अहमऽवि मुणीहिं नियनिय-संसग्गसमुब्भवा य गुणदोसा। संजाया अम्हाणं, पयड तुमए वि दिट्ठमिमं ॥५२५४॥ एवं जइ तिरियाण वि, संसग्गिवसेण दोसगुणसिद्धी। लोयम्मि वि सुपसिद्धा, ता न कहं तवेण किसियस्स ॥५२५५।। दुरऽणुचरमुत्तिमटुं, पसाहिउँ उञ्जयस्स खवगस्स । दुट्ठजणपाडिवेसेण, होज सज्झाणविग्घाऽई ॥५२५६।। सुट्ठ वि समी वि सुट्ठ वि, दमी वि सुट्ठ वि पणट्ठमाणो वि। कि चोजं कलुसिञ्जइ, कुसीलजणसनिहाणेण ॥५२५७|| कलहो बोलो झंझा, वामोहो संकरा ममत्तं च । झाणज्ज्झयगविधाओ, नत्थि विवित्ताए वसहीए ॥५२५८॥ तम्हा मणखोहकगे, पंचिंदियगोयरो जहिं णत्थि । चिट्ठउ तत्थ तिगुत्तो, खवगो सुहझाणसंजुत्तो ॥५२५९।। उग्गमउप्पायणएसणाहि, सुद्धाए अपरिकम्माए । वसईइ असंसत्ताए, निप्पाहुडियाए सेजाए ॥५२६०॥ घणकुड्डे सकवाडे, गामबहिं बालवुइढगणजोगे। उजाणघरे ठायइ, सेलगुहाए य सुन्नघरे ॥५२६१॥
॥४०७॥
