________________
संवेगरंगमाला
हस्तिनागपुरे दत्तस्य नटपुत्र्या उपरि रागः ।
॥४०२॥
छट्टऽट्टमाऽऽइणिद्वर - तवोविहाणेक्कबद्धलकूखाणं । दोहं पि तेसि अपमत्त-याए वोले ति दियहाई ॥५१७९॥ अह अग्णया कयाई, स महप्पा विविहदूरदेसेसु । विहरित्ता संपत्तो, नयरम्मि हत्थिणागपुरे ॥५१८०॥ थीपसुपंडगरहिए, ठिओ य एगस्स गहवइस्स घरे । ओग्गहमऽणुजाणाविय, वासावासस्स करणथ ॥५१८११॥ सा वि ह अजा कहमऽवि, विहरती तत्थ चेव नयरम्मि । वासाकालं का, वुत्था उचियप्पएसम्मि ॥५१८२॥ तेसि च समणधम्म, पालिताणं विसुद्धचित्ताणं । जो वित्तंतो जाओ, तत्थ पुरे तं णिसामेह ॥५१८३।। नियधणवित्थरनिजिय-कुबेरविवस्स विन्हुनामस्स । इब्भस्स सुओ दत्तो त्ति, विस्सुओ मयणपडिरूवो ॥५१८४॥ नीसेसकलाकुसलो, विविहविलासाऽऽलओ विमलसीलो । विउसवयस्साऽणुगओ, नडपेच्छणयं गओ दद्वं ॥५१८५॥ तत्थ य विसट्टकंदोट्ट-दीहरऽच्छी रइ व्व पच्चक्खा । दिट्ठा नडस्स धूया, तदुवरि रागो य से जाओ ॥५१८६।। तव्वेलं चिय अविआरिऊण, आकम्मकालियकलंकं । निययकुलस स दूरं, उज्झियलजो गिहे गंतु ॥५१८७।। तं चेव सुमरमाणो, जोगि व्व निरुद्धसेसवावारो। मत्तो व्व मुच्छिओ इव, घरेगदेसे ठिओ विजणे ॥५१८८॥ आपुच्छिओ य पिउणा, वच्छ ! किमेवं तुम अयंडे वि । करचरणचंपिओ चंप-गोव्व नजसि सिरीमुक्को ॥५१८९॥ कि रोसवसा किंवाऽ-वमाणओ कि व कहि वि पडिबंधा । एवं वहसि पुत्तय!, कहेसु जा तदुचियं कुणिमो ॥५१९०॥ दत्तेण जंपियं ताय!, किपि न मुणेमि कारणं सम्मं । नवरं अन्नाणं अणु-भवामि पीलिजमाणं व ॥५१९१॥ तो आदनो सेट्टी, कया य तप्पसमणे बहुउवाया। न य थेवो वि हु जाओ, पडियारो अह वयस्सेहिं ॥५१९२॥
॥४०२॥
