________________
संवेगरंगसाला
साधारणा अनुशास्तिः ।
॥३५५॥
एवं गच्छसमुद्दे, तुम्भे गुरुसारणाऽऽइवीइहया। मा सुहकामी 'नीहिह, इहरा मीण ब्ब नासिहिह ॥४५६२।। एसो तुम्हाण पह, पभूयगुणरयणसायरो धीरो। नेयो एस महप्पा, तुम्ह भवाऽडविनिवडियाणं ॥४५६३॥ ओमो समराइणिओ, अप्पयरसुओऽहव त्ति धीरमिमं । परिभविहिह मा तुब्भे, गणि त्ति इन्हि ददं पुजो॥४५६४।। एयस्स नाणनिहिणो, वयणं न कयाइ लंधणीयं भे। वायाए तं पडिच्छिय, कायव्वं कम्मुणा सम्मं ॥४५६५॥ जम्हा इमस्स उवमा, न विज्जए बंधुणा न पिउणा वि । न य जणणीए वि तहा, निकारणवच्छलस्स जए ॥४५६६।। तम्हा एसरे च्चिय निच्च-मेव धम्मक्कबद्धबुद्धीहि । आमरणऽतं ताणं, सरणं च पवज्जियव्यो ति ॥४५६७।। मोकवात्थिणो हि तुब्भे, न य तदुवाओ गुरुं विणा अन्नो । ता गुणनिही इमो च्चिय, सेवेयव्यो हु तुम्हाणं ॥४५६८॥ अन्न' च इमस्स गिरा, अन्नोन्नुवगारिभावओ सम्मं । तुम्हेहि वट्टियव्वं, विवज्जए जं गुणो नत्थि ॥४५६९॥
तुम्बं विणा न अरया, न पुफपत्ताई जह विणा विटं। बधंति चयं तुब्भे वि, एवमेयं विणा नूणं ॥४५७०।। तुंब पि अश्यरहियं, विंटे पि य खुडियदलचयं न जहा । रेहइ न य कज्जकरो, पभू वि एवं अपरिवारो ॥४५७१॥ जइ पुण होज्ज परोप्पर-साध्वेकखा अवयवा अवयवी य । तो वंछियऽत्थसिद्धी, सोहा वि हवेज्ज चेव तहा ॥४५७२।। नासा मुहेण मुहमावि, नासाए सोहए जह तहेव । वरपरिवारेण पहू, परिवारो वि हु पवरपहुणा ॥४५७३॥
१ नीहिह = निर्गच्छत ।
॥३५५॥
