________________
संवेगरंगसाला
गजाग्रपदस्य दशार्णकूटत्वेन उत्पत्तेः वर्णनम् ।
॥३०८॥
आ पाव ! जिणमयं पि हु, उबहससि विणसुहसमायार!। इइ जंपिरीए दढजाय-कोववसपाडलऽच्छीए ॥३९५७।। तह देवयाए पहओ, मुहम्मि सो स्यणिभोयणाऽऽसत्तो। जह अच्छिगोलगा दो वि, निवडिया तस्स भूवढे ॥३९५८|| अहह ! मह अवजसो एस, होहिइ इय वियकजायभया। काउस्सग्गेण ठिया, जिणपुरओ साविगा ताहे ॥३९५९॥ अह अड्ढरत्तसमए, समागया देवया इमं भणइ। कि सुमरियम्हि तीए, पयंपियं देवि ! अवणेसु ॥३९६०॥ अवजसमिमं ति तकखण-हणिजमाणेलगस्स अच्छीणि । अह घेत्तुं देवीए. तस्सऽच्छिजुयम्मि ठवियाणि ॥३९६१।। जाए पभायसमए, सविम्हयं सयणनयरलोएण। भणियं चोजमिमं भो !, जाओ तं एलगऽच्छो त्ति ॥३९६२।। एवं च एलगऽच्छो त्ति, सो पसिद्धि गतो हु सव्वत्थ। तस्संबधेग पुर पि, एलगऽच्छ तओ जायं ॥३९६३।। अह पुवऽमिहाणेणं, दसन्नकूडो ति विस्सुओ वि जए । स गयऽग्गपओ सेलो, जह जाओ तह परिकहेमि ॥३९६४॥ किर पुट्विं तत्थ पुरे, दसन्नभदो महानिवो आसि । तस्स य पंच सयाई, सुरूवरमणीण १ओरोहो ॥३९६५।। नियजोधणेण रूवेण, रायलच्छीए पवरसेणाए। पडिवबो सो सेसे, अवमन्नइ मेइणीवइणो
॥३९६६॥ अह एगम्मि अवसरे, दसन्नकडे गिरिम्मि जगनाहो। सिरिवद्धमाणसामी, समोसढो आगया तियसा ॥३९६७॥ तह बंदिस्सामि जिणं, जह केणवि नेव बंदियो पुव्विं । इइ गव्यमुव्वहतो, सव्वविभूईए संजुत्तो ॥३९६८|| चउरंगवलसणाहो, दसन्नभद्दो निवो गयाऽऽरूढो। अंतेउरपरियरिओ, गंतूणं बंदए नाई
॥३९६९॥ AL १ ओरोहो = अवरोध = अन्तःपुरम् ।
॥३०८॥
