________________
संवेगरंगसाला
बन्दगृहीतस्वयभूदत्तस्य चामुण्डा
॥२९४||
भवने
सो वि य सयंभुदत्तो, कहं पि नियलहुगभाउगविउत्तो। धणव ति चिंतिऊणं, चिलायसेणाए संगहितो ॥३७७३।। सुचिर निद्दयकसघाय-बधणाईहि उवहओ वि दढ। सो इच्छड़ जाव न किपि, देयदव्यं चिलाएहि ॥३७७४॥ ताव विणासियपसुमहिस-रुधिरधाराऽणुलित्तभवणाए। दाराऽवबद्धकुस्सर-रणंतगुरुघंटयाऽऽलीए ॥३७७५॥ पइदिणपुन्नोवाइय-चिलायकीरततप्पणविहीए । रत्तकणवीरमाला-विरइयपूओवयाराए
॥३७७६।। गयचम्मनिवसणाए, चामुडाए पयडरूवाए। उवहारऽत्थं नीओ, भयवसवेव तसव्वऽगो
॥३७७७॥ रे वणियाऽहम! जइ जीवि-यव्वमऽभिलससि ता लहुं दचं। अञ्ज वि इच्छसु अम्ह, किमऽकंडे जासि जमभवण ॥३७७८॥ एव ते जपता, सयंभुदत्तं न जाव खग्गेण । घायति ताव सहसा, समुडिओ बहलहलबोलो ॥३७७९॥ हंहो! मुचह एयं, वरागमऽणुसरह वेरिवग्गमिम । थीबालबुड्ढविद्धस-कारिण मा चिरावेह ॥३७८०॥ एसा हम्मइ पल्ली, दज्झन्ति मा मंदिराई पि । इय उल्लाव सोचा, सयंभुदत्तं विमोत्तूण ॥३७८१॥ पवणजइणा जवेणं, सुमरियचिरवेरिसुहडसंपाया। कच्चाइणीगिहातो, ते पुरिसा झत्ति नीहरिया ॥३७८२।। जाओ अज्जेव अह, अज्जे व य सयलसंपय पत्तो। इइ चिततो तुरिय', सय भुदत्तो अवकंतो ॥३७८३।। मीसणचिलायभयतर-लिओ य गिरिकुहरमज्झयारेण । बहलतरुवल्लिपडला-ऽऽउलेण अपहेण वच्चतो ॥३७८४॥ खरो भुयंगमेणं, उप्पन्ना वेयणा महाघोरा । परिचिंतिय' च तेणं, नूण विणस्सामि एत्ताहे ॥३७८५।। जइ कहवि चिलाएहि, पम्मुक्को ता कयंततुल्लेण। डसिओम्हि भुयंगेणं, अहह ! विचित्तं विहिसरूव ॥३७८६।।
नयन स्थानान्तरगमने अजगरदशनं च।
॥२९४॥
