________________
संवेगरंगसाला
नाडीवहनपरिमाणेन शुभाशुभज्ञानम् ।
॥२४४॥
आउयचिन्ताऽवसरे, पाणपवेसाउ जीवियं जाण । निग्गमणे पुण मरण, मणियमिण परमरिसिगुरुणा ॥३१३१॥ चंदायए दिणेसो, अहव दिणेसायए जया चंदो। असमंजसवहगा वा, दो वि तया जियइ छम्मासं ॥३१३२।। | जइ उत्तरायणदिणा-दाऽऽरब्भ दिणाणि पंच परिवहइ । एकसरो चिय.सूगे, तो जीवति वरिसतिगमेव ॥३१३३॥ अह वहति दिवसदसगं, ता जीवति दोणि चेव वरिसाणि । पन्नरस दिणवहे पुण, एकसरे वरिसमेगं तु ॥३१३४॥ अह उत्तरायणादेव, जस्स बीसं दिणाणि एकसरो । वहई दिणाहिवो ता, छम्मासे चेव सो जियइ ॥३१३५।। पणुवीसाए तिमासं, छव्वीसाए य जियइ दो मासे । सत्तावीसदिणबहे, रविम्मि पुण मासमेकं खु ॥३१३६।। अह उत्तरायणाउ, अट्ठावीसं दिणाणि परिवहति । एकसरो चेव खी, पन्नरस दिणाणि ता जियइ ॥३१३७॥ एगूणतीसदिणवह-रविम्मि पुण' जाण दिवसदसगं खु । तीसाए दिणपणगं, एकतीसाए दिवसतिग ॥३१३८॥ बत्ती ए दिणदुर्ग, अह तेत्तीसाए जियइ दिणमेकं । अन्न पि सप्पसंगं, कि पि पवकूवामि संखेवा ॥३१३९॥ सयलदिणं दिणनाहो, वहमाणो माणवाण साहेइ । उप्पायं किंपि गिहे, दिणदुगवाही य गोत्तभयं ॥३१४०॥ गामे गोत्तं य भयं, तिदिणबहो कहइ चउदिणवहो उ । सत्थावत्थस्स वि जो-गिणो धुवं पाणसंदेहं ॥३१४१॥ पंचदिणप्पवहो पुण, मच्चु सच्चवइ जोगिणो नूणं । वाहिं च किच्छसझं, दिणछक्कबहो नरवइस्स ॥३१४२।। सत्ताऽहोरत्तवहो, तुरगाण खयं कहेइ निभंतं । अंतेउरभयजणगो, अणवरयं अट्ठदिणवाही ॥३१४३॥
१ सच्चवइ = दर्शयति ।
॥२४४॥
