________________
संवेगग्गसाला
गुरुसमीपे अतिचाराणामालोचनम् ।
॥२३६।।
नाणइंसगतवविरिय-गोयराऽऽलोयणं तु साहु व । उपरिपवुत्तविहीए, देज्जा ता देसचारिती ॥३०३१।। पुढविदगाऽगणिपवणे, वणे य पत्तेयऽणंतरूवम्मि । बितिचउपंचिंदियगोय-रं पि अइयारमाऽऽलोए . ॥३०३२॥ तत्थ पुढवाऽऽइपणगे, सम्म जयणापमायदोसेणं । जं न कया कह वि तयं, आलोएज्जा सुयविहीए ॥३०३३।। बितिचउपणि दियाणं, परितावाऽऽईण करणओ जो य । अइयारो भंगो वा, वियडेज्जातं च हियकंखी ॥३०३४।। अलिए अब्भकखाणाऽऽइ-दिट्ठिवंचणमऽदत्तदाणंमि । तुरियवए सुमिणम्मि वि, विवक्खकिहुंऽगफासाई ॥३०३५।। तह सकलत्तादन्नन्थ-केलिगुझंगफासणाऽऽईयं । वीवाहपीइकरणाऽऽइ, इत्थिपुरिसाणमविसेसा ॥३०३६।। तह य परिग्गहमाणे, खित्ताइअइक्कम समालोए । दिसिमाणाउ परेणं, सयंगमं अन्नपेसं च ॥३०३७॥ उवभोगप्परिभोगे, अगंतवहुबीयगाऽऽइभोयणओ । कम्मयओ खरकम्मं, इंगालाई तहाऽऽलोए ॥३०३८|| वियडे अणत्थदंडे, तेल्लाऽईणं पमायकरणं तु । पावुवएसं हिंसप्प-याणमध्वझाणमवि सम्मं ॥३०३९।। सामाइए फुसणाऽऽई, दुप्पणिहाणाइ छिन्नणाई य । दंडगचालणम विहाग-करणपमुहं समालोए ॥३०४०॥ देसाऽवगासियम्मि वि, पुढविकायाऽऽइसंवराऽकरणं । अजयणचीवरधुवणा-ऽऽइयं च सव्वं समालोए ॥३०४१।। पोसहविसए सेज्जा-थंडिलपडिलेहणाइ जं न कयं । तप्पालणं च सम्मं, जं न कयं तं पि वियडेजा ॥३०४२।। अतिहिविभागो य कओ, असुद्धअमणुन्नभत्तपाणेहिं । इयरेहि पुण न कओ, जईण जं तं पि वियडेज्जा ॥३०४३।। नियमेण गेण्हियव्वा, अमिग्गहा केई धम्मियजणेणं । निरभिग्गहस्स जम्हा, न वट्टए आसि तस्स ॥३०४४।।
॥२३६॥
