________________
संवेगरंगसाला
पौषधशालासमुद्धरणे गुणाः ।
॥२२५॥
उद्धरिउमणा वि न चेव, सत्तिमंता तमुद्धरेउ जे | वियलियपक्खा सलहा व. अप्पयं दीवए पडिय ॥२८८३।। ता सइ सत्तीए सयं, अन्नत्तो देसणं व काऊणं । उभयाऽभावे साहा-रणाओ तं उद्धरावेजा ॥२८८४॥ एवं समुद्धराविय-पोसहसालो विहीए सो धनो । अन्नेसि सुपवित्ती-निबंधणं होइ नियमेण ॥२८८५।। दंसाई अगणिते, पोसहसामाइयं पवत्ते उ । संवेगभावियमई, झाणऽज्झयण करेंते उ
॥२८८६॥ दट्टण तत्थ सड्ढे, केइ निबंधंति बोहिबीयाई । अन्ने उ लहुयकम्मा, एत्तो चिय संपबुझंति ॥२८८७।। तित्थस्स वन्नवाओ, गुणरागीणं तहा पवित्ती य । अव्वोच्छित्ती तित्थे, अभयं घोसावियं लोए ॥२८८८॥ एत्तो जे पडिबुद्धा, नियमा निव्वाणभायण ते उ । ता तक्यवहणाउ, विमोइया हो ति जीवा उ ॥२८८९।। जइ वि नियनियगिहेसु, आणंदाईण पुरिससीहाण । एक्के कगाणुवासग-दसापमोक्खेसु सत्थेसु ॥२८९०।। पोसहसालाओ वनियाओ, न तहा वि संभवइ दोसो। सुबहूणं साहारण-पोसहसालाए भणणे वि ॥२८९१।। जम्हा सुबहूणं मीलगम्मि, सविसेसभाविणो सुगुणा । सम्मं अन्नोन्नकया, अणुहवसिद्ध च्चिय तहाहि ॥२८९२॥ अन्नोन्नविणयकरण, अन्नोन्नं सारणाऽऽइकरणं च । धम्मकहावायणपुच्छ-णाऽऽइसज्झायकरणं च ॥२८९३।। सज्झायपरिस्संताण, तह य विस्सामणाऽऽइकरणं च । अन्नोन्नं सुहदुक्खाइ-पुच्छणं धम्मबंधूणं ॥२८९४॥ सुत्तऽत्थतदुभयाणं, तुट्टाणं संधणच अन्नोन्न । अन्नोन दिदुस्सुय-सामायारीए परिकहण ॥२८९५॥ अन्नोन्नसुयऽत्थाण, विसयविभागम्मि ठावणं सम्मं । कायव्वं जोगविसए, विहिअविहिनिरूवणं च मिहो ॥२८९६॥
॥२२५॥
