________________
संवेगरंगसाला
साधु-साधी
श्रावकश्राविकाद्वागगां स्वरूपम् ।
॥२२३॥
सूलमसणाऽऽइलाभे, चएज साहू असुद्धए विहिणा । पगुणते आलोयइ, असुद्धमन्नाइ जं भुतं ॥२८५७॥ इय जह साहुदारं, समणीदारं पि तह वियाणेज्जा । नवरं इत्थित्ताओ, तासिमऽवायाण बहुलत्तं ॥२८५८|| परिपिकसाउफलभर-बदरिसमाओ हवंति अज्जाओ । गुत्तिवइपरिगयाओ वि, सव्वगम्माउ पयईए ॥२८५९।। ता ताण परमजत्तेण, सम्बओ निच्चरक्खणीयाण । जइ पचणीयदुस्सील-लोयवसओ भवेऽणत्थो ॥२८६०॥ ता साहारणदब्ब-प्पयाणविहिणा वि सयमसामत्थे । कुज्जा संजमपच्चूह-कारिविद्धंसणं सम्मं ॥२८६१।। भणियं समणीदारं, सावगदारं भणामि तहियं च । धम्माणुरत्तचित्तो, धम्माऽणुद्वाणनिरओ य ॥२८६२।।
जइ कहवि गुणपहाणो, सुसावओ वित्तिदुब्बलो होइ । अत्थि य वणिकला से, दविणविणासी य जइ नो सो ॥ .
॥२८६३३॥ ताहे साहारणदव्वओ वि, काऊण कं पि हु ववत्थं । ववहारनिमित्तं तस्स, मूलरासिं समप्पेज्जा ॥२८६४।। अह निचिन्नाणो तह वि, अद्धपायाऽऽड़ देज्ज से अहवा । जइ नो वसणोवहओ न, कलहणो नेय पिसुणो य ॥२८६५॥ करकच्छाऽऽइसु सुद्धो, पवन्नदक्खिन्नविणयसारो य । तत्तो कम्मकरंतर-ठाणे सो च्चिय धरेयन्वो ॥२८६६॥ समधम्मवत्तिगो वि हु, तबिवरीयस्स धारणे नियमा । संभवइ अप्पणो पव-यणस्स खिंसापर्य लाए ॥२८६७।। एवं सावगदारं व, साविगादारमावि वियाणेज्जा । सविसेसमऽह विहेया, तच्चिता अज्जियाण व ॥२८६८।। एवं च कुणंतेणं, तेणं जिणसासणस्स धीरेण । अब्बोच्छित्तिनिमित्तं, परमपयत्तो कओ होइ ॥२८६९॥
॥२२३॥
