________________
संवेग
सामायिके
रंगसाला
पश्च गुणाः तेषां स्वरूपं.
॥२१४॥
अह तइयं सामाइय-पडिमं पुव्वोवइट्टगुणकलिओ । पडिवज्जेइ महप्पा, सम्ममुदासीणयाऽऽइजुओ ॥२७३९॥ उदासीणय १ मज्झत्थ २-संकिलेसविसुद्धीओ ३ । अणाउलत्त ४ असंगतं, एए पंच गुणा इहं ॥२७४०॥ जेहि तेहिं जह तह, भोयणसयणाऽऽइएहिं चित्तस्स । जो संतोसो जायइ, सा हु उदासीणया वुत्ता ॥२७४१॥ सामाइयपढमंग, एसा य विसुद्धिकारणत्तेण । भणिया जिणेहिं संपइ, भन्नइ मज्झत्थवित्ती उ ॥२७४२॥ एस सयणो परो वा, इय बुद्धी पयइतुच्छचित्ताण । पयईए विउलचित्ताण, पुण इमं जयमवि कुटुंब ॥२७४३॥ जम्हा अणाइनिहणे, संसारमहासरे सरंताणं । बहुभवसयअन्जियकम्म-रासिवसगाण सत्ताणं
॥२७४४॥ अन्नोन्नमऽणेगविहो, कस्सेह न केण को व संबंधो । संजाओ इय चिंता, जा सा मज्झत्थवित्ती उ ॥२७४५।। अह संकिलेसविसुद्धी, भन्नइ संवसइ जेहिं सह ताणं । अन्नाण य दुन्नयदंस-णे वि जमणक्वपरिहरणं ॥२७४६।। ठाणगमसुयणजागर-लाभाऽलाभाइएसु सव्वत्थ । जो हरिसवेमगस्सा-ऽभावो सो पुण अणाउलया ॥२७४७|| अह कणयकयवरेसुं, मित्ता मित्तेसु सोक्खदुक्खेसु । बीभच्छपेच्छणिज्जेसु, तह य थुइवायनिंदासु ॥२७४८|| अन्नत्य य विविहमणो-वियारकारणसमागमे वि सया । समचित्तत्तं जं तं, असंगयं बिति जयपहुणो ॥२७४९।। एयाणं समुदाओ. पंचण्ह गुणाण परमसामइयं । अहव उदासत्तं चिय, एक तकारगं परमं
॥२७५०॥ कि बहुणासावञ्जजोगवजण-निरवाजोगसेवणारुवं । सामाइयमित्तरिय, गिहिणो परमं गुणट्ठाणं
॥२७५शा
॥२१४॥
