________________
संवेगरंगसाला
सम्यक्त्वं विना धर्मानुष्ठानस्य निष्फलतायाम्
अन्धपुत्रदृष्टान्तः ।
॥२१२॥
इय कयपडिमापडिवत्ति-सुंदरं सावगं गुरुजणो वि । उव्ववूहइ कयपुनो, धन्नो य तुमं ति जेण इहं ॥२७१२।। ते धन्ना ताण नमो, ते च्चिय चिरजीविणो बुहा ते य । जे निरइयारमेयं, धरति सम्मत्तवररयणं ॥२७१३॥ एयं हि परं मूलं, कल्लाणाणं तहा गुणगणस्स । एएण विणाऽणुट्ठाण-मफलमुच्छ्रण पुफ व ॥२७१४॥ अवियकुणमाणो वि हु किरियं, परिचयंतो वि सयगधगभोए । दितो वि दुहस्स उरं, जिगइ न अंधो जह विपक्खं ॥२७१५॥ तह लिंतो वि निवित्ति, परिचयंतो वि सयणधणभोए । दितो वि दुहस्स उरं, मिच्छदिट्ठी लहइ न सिवं ॥२७१६॥ एत्थ य अंधक्खाणय-मेवं अक्खति किर वसंतपुरे । नयरे राया नामेण, आसि रिउमद्दणो तस्स ॥२७१७॥ अंधो अहेसि पुत्तो, पढमो बीओ य दिव्यचक्खु ति । अज्झावगस्स पढणऽत्थ-मप्पिया ते य नरवइणा ॥२७१८॥ गंधव्वप्पमुहाओ कलाओ, अंधो त्ति तेण जेद्वसुओ। जाणाविओ तदियरो, धणुवेयाऽऽईओ सव्याओ ॥२७१९॥ अह परिभूयं मुणिऊण अप्पयं, विगयचक्खुणा वुत्तो। उज्झाओ कीस न मइ. सत्थं तुं सिक्खवेसि त्ति ॥२७२०॥ उज्झाएणं जंपिय-मऽहो महाभाग! चक्खुरहियस्स । कह तुज्झ तमऽहमुजो-गिणो वि पारेमि परिकहिउ ॥२७२१॥ अंधेणं पडिभणियं, जइ वि हु एवं तहा वि में अहुणा । सिक्खवसु धणुव्वेयं, अह तग्गाढोवरोहेण ॥२७२२॥ उवइट्ठो गुरुणा से, तेण विनाओ सुबुद्धिविभवेण । जाओ य सद्दवेही, चुक्कइ न कहं पि लक्खस्स ॥२७२३॥ एवं ते दोवि सुया, कलासु कुसलत्तणं परं पत्ता । अन्नम्मि य पत्थावे, समागयं तत्थ परचकं ॥२७२४॥
॥२१२॥
