________________
संवेगरंगसाला
प्रतिमास्वरूपं दर्शनप्रतिमा
विषये प्रश्नोत्तरं च।
॥२०९॥
कइया वि दुवालस भाव-णाण परिभावणेण कझ्या वि । सद्धम्मकहासवणेण, नेज्ज कालं समाहीए ॥२६७१।। उचियसमए य मुणिणो, सिद्धतमहारहस्समणिनिहिणो । बहुमाणभत्तिमंतो. गंतूर्ण पज्जुवासेज्ज. ॥२६७२॥ भोयणकाले य तहा, ताय ! पसीयह अणुग्गहं कुणह । एह मह मंदिरंमी, संपइ आहारगहणऽत्थं ॥२६७३॥ इय पुत्तेण सविणयं, आहूओ थिमियमाणसो सणियं । गंतूण घरे विहिणा, रहिओ मुच्छाए भुंजेज्जा ॥२६७४॥ तह पवरवीरियवसा, सइ सामथम्मि अत्तहियखी । सविसेसुञ्जमजुत्तो, मइमं पडिमाउ पडिवज्जे ॥२६७५।। ताओ पुण एक्कारस, संखाए सावगाण भणियाओ । दसणपडिमाऽऽईया, जिणेहिं इय महियमोहेहिं ॥२६७६।।
दंसण १ वय २ सामाइय ३, पोसह ४ पडिमा ५ अबभ ६ सञ्चित्ते ७ ।
आरंभ ८ पेस ९ उद्दिट्ठ-वज्जए १० समणभूए य ११ ॥ [दारगाहा] ॥२६७७।। पुव्वपवंचियगुणमणि-पसाहिओ सावगो महप्पा सो । पढमं दंसणपडिमं, पडिवज्जइ तीए पुण सम्म ॥२६७८॥ मिच्छत्तपंकवियलत्तणेण, थेवं पि कुग्गहकलंक । नाऽऽयरइ जेण मिच्छत्त-मेव तस्साहणायाऽलं ॥२६७९।। होज्ज गज्णाभोगजुओ, न विवज्जयवं तहेस धम्ममि । अस्थिक्काऽऽइगुणजुओ, सुहाऽणुबंधो निरइयारो ॥२६८०॥ नणु पुव्वपरूवियगुण-गणस्स सुस्सावयस्स सम्मत्ते । विजंते वि किमेवं, दंसणपडिमा पुणो भणिया ॥२६८१।। भन्नइ इह आगारे, रायाऽमिओगाऽइणो वि वज्जेइ । परिपालेइ य सम्मं, अट्ठविहं दसणाऽऽयारं ॥२६८२॥ इय सविसेसं दंसण-पडिवत्तिपहाणभावमाऽऽसज्ज । दसणपडिमा पढमा, नायव्वा सावयस्स भवे ॥२६८३॥
॥२०९॥
