________________
संवेग
रंगसाला
पितृमरणे वज्रस्य शोकः अर्थनाशे सति परदेशगमनामिलापश्च ।
॥२०२॥
ताय! तए सग्गगए, गयाइ पंच वि इमाई सग्गमि । गंभीरतं खंती, सच्चविणओ नओ य धुवं ॥२५७७।। ताय! तुह विप्पयोगे, न दुक्खमेको अहं चिय पवनो। विफलियमगोरहो पइ-दिणं पिनणु मग्गणगणो वि ॥२५७८॥ इय जंपिरेण पामुक्क-दीहपोक्केण सोगविहुरेण । वइरेण पारलोइय-किच्चमसेसं कयं तस्स ॥२५७९॥ पइदिणदंसणसारत्तणेण, पेम्माऽणुबंधबुद्धीणं । कालक्कमेण ववगय-सोगाऽऽवेगो य सो जातो ॥२५८०॥ पुवपवाहेणं चिय, कुडुंबचिंताए लोयववहारे । दाणाऽऽईसु य वट्टइ. नो खंडइ पुचपुरिसकमं ॥२५८१।। नवरं लच्छी तुच्छत्त-मुवगया नाऽऽगया बणियपुत्ता । देसंतरेसु चिरकाल-पेसिया लाभकज्जेण ॥२५८२।। निहिणो सुन्नीहया, वढिपउत्तो खयं गतो अत्थो । धन्नाऽऽइसंचया वि हु, निद्दड्ढा तिव्वजलणेण ॥२५८३।। जं जत्तो तं तत्तो, पुनविवजयवसेण से नहूँ । सयणो वि परजणो इव, सव्वो वि परंमुहीहूओ ॥२५८४॥ इय छायाखेडे पिव, सुमिणुवलद्धं व सो पलोइत्ता । दवाइसरूवं जाय-पउरसोगो विचितेइ ॥२५८५॥ परिचत्तकुसंगस्स वि, थीज्यविवजिणो वि ही! मज्झ । नायट्ठियस्स वि कहं, सव्वमऽवकंतमत्थाई ॥२५८६।। अहवा वच्चउ अत्थो, विज्जुञ्जोउ व्व चंचलसहायो । अनिमित्तमेव सयणा वि, कीस विवरंमुहीहृया ॥२५८७॥ हुं नायं सयणा वि हु, धणभंगे कञ्जसिद्धिविरहेण । दसिति कह वरागा, पणयं मइ रोरतुल्लम्मि ॥२५८८।। ताव चिय सयणा बंधवा य, मित्ता य होति मणुयस्स । जाव न मुच्चइ कुवलय-दलदीहऽच्छीए लच्छीए ॥२५८९॥ धणवजियस्स य ममं, एत्तोऽवत्थाणमेत्थ नो जुत्तं । परमा विडंबणा का वि, पुव्वकमखंडणा जेण ॥२५९०।।
॥२०२॥
