________________
संवेगरंगसाला
आराधनाहस्वरूपम्
॥६५॥
चाओ १० मरणविहत्ती ११, अहिगयमरगं च १२ सीइदारं च १३, तह भावणाण दारं १४, चरिमं
संलेहणादारं १५ ॥८०९॥ अरिहो जोग्गो भन्नइ, सो पुण आराहगाए नायव्यो । सामन्तमन्तिसत्थाह-सेडिकोडुबियाईणं ॥८१०॥ राईसरसेगावइ-कुमारपभिईणमऽवमन्नयरो । तेसिमऽविरुद्धकारी, विरुद्धसंसग्गिपरिहारी
॥८११॥ जो जइणो चिन्तामणि-कप्पे त्ति करेइ तीए बहुमाणं । पत्थेइ थिरणुराओ, जो जइसज्झत्तमच्चत्थं ॥८१२॥ आराहणारिहेसु य, जो वच्छलं करेइ अणवरयं । भावेइ दुल्लहत्तं, तीए धम्मे पमाईणं
॥८१३॥ आलोएइ य निच्चं, मच्चु पच्चूहमीहियत्थाणं । तस्स य निरोहसाहण-माराहणमेव भावेइ ॥८१४॥ अरिहन्तेसु य पूया-सकूकारं कुणइ निच्चमुज्जुत्तो । भावेइ य गुणगुरुयं, तेसि गुणमणिकरंडाणं ॥८१५॥ पबयणपसंसणाए, रमेइ विरमेइ धम्मनिन्दाओ । गुणगुरुगुरुभत्तीए, सत्तीए सजइ निच्च
॥८१६॥ सुमणे समणे वन्दइ, सुठ्ठ निन्देइ णिययदुचरियं । गुणसुटिएसु रजइ, सजइ सइ सीलसच्चेसु ॥८१७॥ वज्जेइ कुसंसग्गि, संसग्गि कुणइ सीलवन्तेहिं । निच्च पि गुणे गिण्हइ, परस्स सन्ते वि नो दोसे ॥८१८॥ दुट्ठपमायपिसाए, निहणेइ हणेइ इंदियमईदे । ताडेइ य दुचरियं, मणमकडमुक्कदुपयारं
॥८१९॥ नाणं सुणेइ नाणं गुणेइ, नाणेण कुणइ किच्चाई। नाणाहिएसु रजई, अणुसजइ नाणदाणम्मि ॥८२०॥ • १ शानाधिकेषु ।
॥६५॥
