________________
ortxRAMROKAR
ताव इमं ।। १९ ॥ पुरिसेहि जंपियं सिरि-पुराउ नामेण वंकचूलु त्ति । विमल जसरायपुत्तो, पिउअवमाणाउ नीहरिओ | ।। २० ।। परदेसं वच्चंतो, इहागओ तस्स सेवगा अम्हे । मग्गस्स पुच्छणहा, तुम्ह समीवंमि संपत्ता ।। २१ ।। भिल्लेहि तओ भणिय, तं दंसह अम्ह निवइणो पुनं । चलि ऊणं पुरिसेहि, पयंसिओ वंकचूली (लो) वि ॥ २२ ।। अह ते दुराउ चिय, विमुक्ककोदंडपमुहसत्थगणा । भिल्ला कुमरं नमिऊण, माणसे इय विचितति ॥ २३ ॥ एवंविह सुंदररूव-लक्खणालंकिओ है। इमो अम्ह । जइ कहवि होइ नाहो, ता जायइ सव्वसंपत्ती ॥ २४ ॥ इय चिंतिऊण तेहिं, निलाडतडघडियपाणिकोसेहिं । सविणयपणयं भणियं, कुमार : विन्नत्तिय सुणसु ॥२५॥ चिरसमुवज्जियपुग्नेण, नूण तुम्हारिसा महापुरिसा । दीसंति ता पसीयसु, आगच्छसु अम्ह पल्लिंमि ॥ २६ ॥ कुणसु नियपायपंक्रय-पवित्तिया एयतीइ रज्जं च । सामिरहियाण अम्हं, पत्तो सामी तुमं चेव ॥ २७ ॥ इय सप्पणयम्भत्थण-पल्हस्थियनियकुलव्य वत्येण । पडिवनं कुमरेणं, गयकुळलज्जाण किमकिचं ॥२८॥ अह परियणेण सहिओ, पहिचित्तेहि तेहि भिल्लेहिं । दसिज्जमाणमग्गो, पल्लिं पइ सो पइटेइ ॥२९॥ अचंतनिविडदुमदु-ग्गमेण मग्गेण सो पवचंतो । सीहगुहाभिहपल्लीइ, तीइ नियडो समायाओ ॥ ३० ॥ दिहा य कुमारणं, दंसणमित्तेवि दिनभूरिभया । विसमगिरिदुग्गमज्झे, कयंतजणणि व्व सा तत्थ ।। ३१ ॥ एगत्य निहयकुंजर-महंतदंतोवर. इयपरिवेढा । अनत्थ मंसविकिय-मिलंतजणजणियहयबोला ॥ ३२ ॥ एगत्थ बंदपग्गहिय-पहियकीरंतकरुणरुन्नसरा । अन्नत्थ विणासियजंतु-रुहिरविलफलियमविद्या ।। ३३ ।। एगत्थ घोरसरघु-रुहुरंतकोलेयनिवहदुप्पिच्छा । अन्नत्थुल्लंबिया पिसिय-भक्खणुम्मिलियसणिउला ।। ३४ ॥ एगत्थ परुप्परवइर-भावजुझंतभीमभिल्लभडा । अन्नत्य लक्खविधण-पयट्टए
•९८४
