________________
रायगिहस्स नगरस्स बहिया मोग्गरपाणी जक्खो। अजणयस्स कुलदेवया तस्संतियाऽऽरामस्स पंथे चेव । अन्नया खंदसिरी भत्तं भत्तारस्स दाउं गया। अग्गाई कुसुमाई घेत्तुं घरं गच्छह । मोग्गरपाणिघरे ठिएहिं दुल्लालियगोहिसंतिएहिं छहिं जणेहिं दिहा । ते भणंति-एसा अज्जुणस्स भज्जा पडिरूवा. गेण्हामो णं । तेहिं सा गहिया । छ वि जणा तस्स जक्खस्स पुरओ भुंजंति । सो वि मालागारो निच्चमेव अग्गेहिं वरेहिं पुप्फेहिं जक्खमच्चेइ । तद्दिवसं च अच्चेउकामो तत्थ आगच्छइ । ताए भणियं-एसो मालागारो आगच्छइ तो तुन्भे ममं किं विसजिहह ? । तेहिं नायं-एयाए इमं पियं । तेहिं भणियं-मालागारं बंधामो। तेहिं सो बद्धो । अवहोडएण जक्खस्सेव पुरओ बंधेऊण पुरओ चेव से भारियं भुंजंति। सा य तस्स भत्तारस्स मोहुप्पाययाई इथिसद्दाई करेइ । पच्छा सो मालागारो चिंतेइ-एयमहं जक्खं निश्चमेव अग्गेहिं वरेहिं पुप्फेहिं अञ्चेमि तहा वि अहमेयस्स पुरओ एवं कीरामि, जइ इत्थ जक्खो कोइ हुँतो तो अहं एवं न कीरतो बंधिऊण । सुपच्चयं एयं—णत्थि इत्थ कोइ जक्खो । ताहे सो जक्खो अणुकंपंतो मालागारस्स सरीरमणुपविट्ठो। तओ सो तडतडस्स बंधे छेत्तूण लोहमयं पलसहस्सनिप्पन्नं मोग्गरं गहाय अन्नाइट्ठो समाणोते छ वि इत्थिसत्तमे पुरिसे घाएइ । एवं | दिणे दिणे छ इत्थिसत्तमे पुरिसे घाएमाणो विहरइ ।जणवओ वि रायगिहाओ ताव न निग्गच्छइ जाव सत्त न घाइया।
तेणं कालेणं तेणं समएणं समणे भगवं महावीरे समोसरिए । न कोइ भएण वंदणवडियाए निग्गच्छइ । सुदंसणो | सेट्ठी भयवओ गरुयभत्तिराएण 'जं होइ तं होउ' त्ति पत्थिओ वंदणत्थं । दिट्ठो अजुणगेण । धाविओ उग्गामियमोग्गरो। सुदंसणो वि–अरहंता सिद्धा साहू केवलिपन्नत्तो धम्मो य मे सरणं, भुवणगुरुमहावीरो य गई' त्ति भणिऊण-"जइ मे
हुज पमाओ, इमस्स देहस्सिमाए वेलाए । आहारमुवहिदेहं, सवं तिविहेण वोसिरियं ॥ १॥" ति काऊण सागारमणXसणं ठिओ पंचनमोक्कारं चिंतितो काउसग्गं । न तरइ अक्कमिउं । परिपेरंतेहिं भमित्ता परिस्संतो अजुणओ सुदंसण
