Uttaradhyayanani

SR No.: 600356
Original Sutra Author: N/A
Author: Nemichandracharya
Publisher: Pushpachandra Kshemchandra Balapurwala
Publication Year: 1937
Total Pages: 798
Language: Prakrit
Classification: Manuscript & agam_uttaradhyayan
File Size: 21 MB

Page 195

श्रीउत्तराघ्ययनसूत्रे
श्रीनैमिच
न्द्रीयवृत्तिः
॥ ९१ ॥
ज्जम्मि । ता कुमरो वि सुदक्खो, झड त्ति आरुहइ खंधम्मि ॥ २४५ ॥ खणमेत्तेणं सो म तकरिवरो णेगवणयरकयंतो । सवसो कुमरेण कओ, अहि व मणिमंतजोएण ॥ २४६ ॥ नियदइयाए पुरओ, अवइण्णो गयवरस्स खंधाओ । पुणरवि रहम्मि रूढो, संचलिओ नियपुराहुत्तं ॥ २४७ ॥ जा केत्तियं पएसं, कुमरो लंघेइ नियपियासहिओ । ता पेच्छइ सो वग्धं, अद्धाणतडम्मि उवविद्धं ॥ २४८ ॥ अद्धुसियकेसरसडं, अप्फालियव सुहदीहलंगूलं । तं पेच्छिऊण कुमरो, | हसिऊणं धाविओ समुहं ॥ २४९ ॥ सज्जेउ रोद्दकम्मं, वग्धो जा देइ नियकरपहारं । विंटियवत्थो हत्थो, छूढो कुम| रेण वयणम्मि ।। २५० ।। दाहिणहत्थेण पुणो, पहओ असिवेणुयाए खंधम्मि । गाढपहारेण हओ, धस त्ति महिमंडले | पडिओ ॥ २५९ ॥ निज्जिणिऊणं वग्धं, जाव य लंघेइ थोवयं गहणं । पेच्छइ ताव भुयंगं, अद्धाणे संठियं कुमरो ॥२५२॥
केरिसं ? – अलिउलकज्जलवन्नं, फणिमणिकिरणोह भासुरसरीरं । दो जीहं रत्तच्छं, धमणी व पमुक्कपुकारं ।। २५३ ॥ सवडंमुहं उवेंतं, दहूणं मयणमंजरी सप्पं । गुरुभयकंपिरदेहा, लग्गा कुमरस्स कंठम्मि ॥ २५४ ॥ मा बीहेसु भणतो, उत्तिन्नो संदणाउ सो सुहडो । आवंतस्स य फणिणो, सहसा विहिओ गईथंभो ।। २५५ ॥ तो कुणिउं मुहथंभं, खेल्ला| वेऊण छडिओ भुयगो । आरुहिऊण रहवरं, तुरियं संजोइया तुरया || २५६ ॥ किच्छेण लंघिऊणं, गहणं तं कवि णरयसारिच्छं । संपत्तो संखउरं, संतोसियणयरिजणनिवहो ॥ २५७ ॥ वरविहियवत्थ सोहा - ऽऽउलम्मि नयरम्मि सुंदरनिवरस | जणमणनयणाणंदो, दाणं दिंतो पविट्ठो सो ।। २५८ ।। नियमंदिरम्मि पत्तो, जणणीजणएण गरुयणेहेणं । आलिंगिओ सहरिसं, लोएणं पणमिओ ताहे ।। २५९ ॥ सो भोयणावसाणे, पुट्ठो देसंतराण वृत्तंतं । तेण समग्गं कहियं, जा पत्तो निययभवणम्मि ।। २६० ।। एवं ताणं सुहसं गमेण संजायपरमतोसाणं । बच्चइ सुहेण कालो, रज्जसुहं भुंजमाणा ।। २६१ ।। अह अन्नया वसंते, कामुयलोयाण हियय आणंदे | बहुपउरपरियरजुओ, उज्जाणं उवगओ राया
चतुर्थ असंस्कृता
ख्यमध्यय
नम् । द्रव्यसुप्तेषु प्रतिबुद्धजीवि -
अगडदत्तदृष्टान्तः ।
॥ ९१ ॥