________________
श्रीउत्तराध्ययनसूत्रे श्रीनेमिच
न्द्रीया सुखबोधाख्या लघुवृत्तिः । ॥३२७॥
एकोनत्रिंश सम्यक्त्वपराक्रमाख्यमध्ययनम्। त्रिसप्ततिपदानां फलनिरूपणम् ।
*koXOXOXOXOXOXOXOXXXX
अप्पपएसग्गाओ पकरेइ, आउं च णं कम्मं सिय बंधइ सिय नो बंधइ, अस्सायावेयणिजं च णं कम्मं नो भुज्जो भुज्जो उवचिणइ, अणाइयं च णं अणवयग्गं दीहमद्धं चाउरंतसंसारकंतारं खिप्पामेव वीइवयइ ॥ २२॥ धम्मकहाए णं भंते ! जीवे किं जणेइ ? धम्मकहाए णं निजरं जणेइ, धम्मकहाए णं पवयणं पभावेइ, पवयणपभावए णं जीवे आगमिस्सभद्दाए कम्मं निबंधइ ॥ २३ ॥ सुयस्स आराहणयाए णं भंते! जीवे किं जणेइ ? सुयस्स आराहणयाए णं अण्णाणं खवेइ, न य संकिलिस्सइ ॥२४॥ एगग्गमणसन्निवेसणाए णं भंते ! जीवे किं जणेइ ? एगग्गमणसन्निवेसणाए णं चित्तनिरोहं करेइ ॥ २५॥ संजमेणं भंते! जीवे किंजणेह? संजमेणं अणण्हयत्तं जणेइ ॥ २६॥ तवेणं भंते! जीवे किंजणेह? तवेणं वोयाणं जणेइ ॥ २७॥ वोयाणेणं भंते! जीवे किं जणेइ ? वोयाणेणं अकिरियं जणेइ, अकिरियाए भवित्ता तओ पच्छा सिज्झति बुज्झति मुच्चति परिनिवाइ सचदुक्खाणमंतं करेइ ॥ २८॥ सुहसाएणं भंते! जीवे किं जणेइ ?। सुहसाएणं अणुस्सुयत्तं जणेइ, अणुस्सुए णं जीवे अणुकंपए अणुब्भडे विगयसोगे चरित्तमोहणिज्ज़ कम्मं खवेइ ॥ २९॥ अपडिबद्धयाए णं भंते ! जीवे किं जणेइ ? अपडिबद्धयाए णं निस्संगत्तं जणेइ, निस्संगत्तेणं जीवे एगे एगग्गचित्ते दिया य राओ य असज्जमाणे अपडिबद्धे आवि विहरइ ॥३०॥ विवित्तसयणासणयाए णं भंते! जीवे किं जणेइ ? विवित्तसयणासणयाए णं चरित्तगुर्ति जणह, चरित्तगुत्ते णं जीवे विवित्ताहारे दढचरित्ते एगंतरए मुक्खभावपडिवन्ने अढविहं
॥३२७॥
