________________
|लए पाणिपडिग्गहिए । समणे भगवं महावीरे साइरेगाईं दुवालसवासाईं निच्चं वोसटुकाए चियत्तदेहे जे केइ उवसग्गा उप्पज्जंति, तं जहा - दिव्वा वा, माणुसा वा, तिरिक्खजोणिया वा, अणुलोमा वा, पडिलोमा वा, ते उप्पन्ने सम्मं सहइ, खमइ, तितिक्खड, अहियासेइ ॥ सू. ११७॥ तणं समणे भगवं महावीरे अणगारे जाए, ईरियासमिए, भासासमिए, एसणासमिए, आयाणभंडमत्त - निक्खेवणासमिए, उच्चार- पासवण - खेल - जल्ल-सिंघाण पारिट्ठावणियासमिए, मणसमिए, वयसमिए, कायसमिए, मणगुत्ते, वयगुत्ते, कायगुत्ते, गुत्ते, गुत्तिंदिए, गुत्तबंभयारी, अकोहे, अमाणे, अमाए, अलोहे, संते, पसंते, उवसंते, परिनिव्वुडे, अणासवे, अममे, अकिंचणे, छिन्नग्गंथे, निरुवलेवे, कंसपाई इव मुक्कतोए, संखे इव निरंजणे, जीवे इव अप्पडिहयगई, गगणमिव निरालंबणे, वाउव्व अपडिबद्धे, सारयसलिलं व सुद्धहियए, पुक्खरपत्तं व निरवलेवे, कुम्मे इव गुत्तिंदिए, खग्गविसाणं व एगजाए, विहग इव विप्पमुक्के, भांरंडपक्खी इव अप्पमत्ते, कुंजरे इव सोंडरे, वसहो इव जायथामे, सीहो इव दुद्धरिसे, मंदरे इव अप्पकंपे, सागरो इव गंभीरे, चंदो
