________________
कल्पवारसा०
॥ ३२ ॥
मेणं सुक्केणं, अप्पमत्तो हराहि आराहणपडागं च वीर ! तेलुक्करंगमज्झे, पावय वितिमिर - मणुत्तरं केवलवरनाणं, गच्छ य मुक्खं परं पयं जिणवरोवइद्वेणं मग्गेणं अकुडिलेणं, हंता परीसहचमूं, जय जय खत्तिय - वरवसहा ! बहूई दिवसाई, बहूई पक्खाई, बहूई मासाई, बहूई उऊई, बहूई अयणाई, बहूई संवच्छराई, अभीए परीसहोवसग्गाणं, खंतिखमे भयभेरवाणं, धम्मे ते अविग्धंभवउ" त्ति कट्टु जयजयसद्दं पउंजंति ॥ सू. ११४ ॥ तए णं समणे भगवं महावीरे नयणमाला - सहस्सेहिं पिच्छिज्जमाणे पिच्छिज्जमाणे, वयणमाला-सहस्सेहिं अभिधुव्वमाणे, अभिथुव्वमाणे, हिययमाला - सहस्सेहिं उन्नंदिज्जमाणे उन्नंदिज्जमाणे, मणोरहमाला - सहस्सेहिं विच्छिप्पमाणे, विच्छिप्पमाणे, कंतिरूवगुणेहिं पत्थिज्जमाणे पत्थिज्जमाणे, अंगुलिमाला - सहस्सेहिं दाइज्जमाणे दाइज्जमाणे, दाहिणहत्थेणं बहूणं नरनारी - सहस्साणं अंजलिमाला - सहस्साइं पडिच्छमाणे पडिच्छमाणे, भवणपति-सहस्साईं समइच्छमाणे समइच्छमाणे, तंती - तल-ताल-तुडिय-गीय - वाइय - वेणं महुरेण य मणहरेणं जयजय-सद्दघोस-मीसिएणं मंजुमंजुणा घोसेण य पडिबुज्झमाणे पडिबुज्झमाणे, सव्विड्डीए, सव्वजुईए,
महावीर - चरि०
॥ ३२ ॥
