________________
छप्पय-महुअरि-भमरगण-गुमगुमायंत-निलिंत-गुंजंत-देसभागं दामं- पिच्छइ-नभंगण-तलाओ
ओवयंत ५ ॥सू. ३७॥
ससिं च गोखीर- फेण-दगरय - रयय - कलसपंडुरं, सुभं, हिअय- नयणकंतं, पडिपुण्णं, तिमिरनिकर - घण- गुहिर - वितिमिर-करं, पमाण - पक्खंत - रायलेहं, कुमुअवण - विबोहगं, निसा - सोहगं, सुपरिमट्ठ–दप्पण-तलोवमं, हंस पडु - वन्नं, जोइसमुह - मंडगं, तमरिपुं, मयणसरापूरं, समुद्द-दगपूरगं, दुम्मणं जणं दइअ - वज्जिअं पायएहिं सोसयंतं, पुणो सोम - चारुरूवं पिच्छइ सा गगणमंडल -विसाल - सोम - चंकम्ममाण - तिलयं, रोहिणि - मण - हिअय- वल्लहं देवी पुन्नचंदं समुल्ल संतं ६ ॥सू. ३८॥
तओ पुणो तमपडल- परिप्फुडं चेव तेअसा पज्जलंत रूवं, रत्तासोग - पगास - किंसुअ-सुअमुह-गुंजद्ध-राग-सरिसं, कमल-वणालंकरणं, अंकणं जोइसस्स, अंबरतल-पईवं, हिमपडल-गलग्गहं, गहगणोरु–नायगं, रत्ति-विणासं, उदयत्थमणेसु मुहुत्त - सुहदंसणं, दुन्निरिक्ख-रूवं, रत्तिसुद्वंत
