________________
॥ सृ. ५७॥ वासावासं पज्जोसवियाणं नो कप्पइ निग्गंथाण वा निग्गंथीण वा परं पज्जोसवणाओ अहिगरणं वइत्तए, जे णं निग्गंथो वा निग्गंथी वा परं पज्जोसवणाओ अहिगरणं वयइ, सेणं 'अकप्पेणं अज्जो ! वयसीति' वत्तव्वे सिया, जेणं निग्गंथो वा निग्गंथी वा परं पज्जो - सवणाओ अहिगरणं वयइ, से णं निज्जूहियव्वे सिया ॥ सू. ५८ ॥ वासावासं पज्जोसवियाणं इह खलु निग्गंथाण वा निग्गंथीण वा अज्जेव कक्खडे कडुए वुग्गहे समुप्पज्जित्था सेहे राइणियं खामिज्जा, राइणिए वि सेहं खामिज्जा, ( ग्रं. १२००) खमियव्वं खमावियव्वं उवसमियव्वं उवसमावियव्वं सुमइ - संपुच्छणा - बहुलेणं होयव्वं । जो उवसमइ तस्स अत्थि आराहणा, जो न उवसमइ तस्स नत्थि आराहणा, तम्हा अप्पणा चेव उवसमियव्वं, से किमाहु भंते ! ! उवसमसारं खु सामण्णं ॥ सू. ५९ ॥ वासावासं पज्जोसवियाणं कप्पइ निग्गंथाण वा निग्गंथीण वा तओ उवस्सया गिहित्तए, तंजहा - वेउब्विया पडिलेहा साइज्जिया पमज्जणा ॥ सू. ६० ॥ वासावासं पज्जोसवियाणं निग्गंथाण वा निग्गंथीण वा, कप्पइ अण्णयरिं दिसिं वा अणुदिसिं वा
