________________
॥८०३।।
यणजुओ तक्खणमब्भुज्जओ तयंतम्मि । गंतु कमेण पत्तो ससंभमं वंदिउं विहिणा ॥३४२॥ जाओ कमेण चक्को नियचक्ककमियसयलमहिवलओ । नवनिहिवई चउद्दसरयणपहू पहूयगुणो ।।३४३॥ चकं फुरंतकरपहकरेण वित्थरियरोमविवरेण । नज्जइ निज्जियतेओ रविव्व सेवत्थमिहं पत्तो ॥३४४॥ तरुणतमालदलाभा तस्सासी वेरिसीसनिन्नासी । जेण पयासियजिब्भो जमाव्व सेवापरो भाई ॥३४५।। धम्मजलपंसुवारणमायववारणमहावरि तस्स । नज्जइ सेवाए कए सिरीए कयपंकयं ठवियं ॥३४६॥ नइजलतरणाईसुं लद्धवओगं सयावि दुग्गेसु । चम्मरयणं समुन्भुयमस्स संपुनपुन्नस्स ॥३४७।। तह उइंडो दंडो गिरिखंडणपमुहकज्जदुल्ललिओ । मुंचंता. करनियरं नहमंडलमंडणं जाओ ||३४८॥ दिवसकरकरागोयरतिमिरभरुद्धारधीरसामत्था। करभावंव गया सइ चंदकला कागिणी तस्स ।।३४९।। जाओ सिरीसिरोमणिसारिच्छो अह मणी फुरियकिरणो । नवमेहनीलतमभारभंजणे लद्धमाहप्पा ।।३५०॥ तग्गरिमगंजिआ इव पणआ नीलो गिरी गओ तस्स । चलमाणचारुचामरविराइओ संदमाणमओ ॥३५॥ अक्खलिगई बलवं मणजवणो अह तुरंगमा तुंगो। वाओ इव सेवत्थं संपुन्नो तस्स पुन्नेहिं ॥३५२॥ वेरिभयाणमभूमी भूमी सूरत्तणस्स पउरस्स । सेणाहिवा पराभूयभूरिसूरो समुन्भूओ ॥३५३।। तह दाणवमाणवविहियवसणसंतिक्खमेकसत्तिजुओ। जाओ पुरोहिओ हियनिमित्तसवणत्थमेयस्स ॥३५४॥ तकालाभिलसियतियसनाहगेहाणुकारिभवणकरो। अह वट्टई विवड्डियमाहप्पो विस्सकंमसमो ॥३५५॥ चिंतारूढापच्चयववहारो सामिगेहकज्जपरो। लोगाचारसुकुसलो अहेसि गाहावई तस्स ॥३५६।। सव्वंगलक्खलक्खणलक्खं पइचित्तरंजणे दक्खं । रम्मं रामारयणं रयणपहारंजणेदण्णं (?) ॥३५७॥
