________________
पविलित
॥६८९॥
एक: ठिचा सारि
जमगेहे। विजयसुया पेसविया आसन्नीभूयसुयपसवा ॥२७६।। ता मे न अत्थि सुद्धी पुंजस्सव असुइणो अदट्टव्वो। अहमेत्थ सिट्ठलायस्स कस्स चंडालभावाओ ।।२७७।। णीणेह झति कट्ठाई जेण जलणम्मि पविसिउं सुद्धि । काहमहं लहु संतावतावियं निव्ववेमंग ॥२७८।। सोचा निववयणमिणं अकालविज्जूनिवायसारिच्छं । सयलोवि परियणोन्नोन्नवयणमवलोइउं लग्गा ॥२७९॥ हाहा किमेयमेवं रन्ना बुच्चइ विलक्खओ ठिच्चा । समकालमुकलल्लकपाकओ विलवए एवं ॥२८०॥ हा अजउत्त! अइनिग्घिणो सि कह ववसियं तए एयं? । सा मुहमंडणमम्हं कत्थत्ति भणंति जायाओ? ॥२८१॥ हा रायंगणमेयं वट्टइ सुन्नं च तं विणा मुद्धं । मा रूस पसिय आणेसु सामि ! तं परियणो भणइ ॥२८॥ हा हत्ति किं किमेयं धी धी एयारिस विहिविहाणं । नरनारिगणो नयरे रुयइ समंता इय भणंतो ॥२८३॥ अकंदसद्दभीमं निकरुणाणंपि जणियकारुनं । दळूण पुरं राया ऊसुयचित्तो पुणो आह ।।२८४।। भी मंति! किं चिरावह किं मे ना मुणह वेयणं अंगे? । हा निठुरं न फट्टइ हिययं मे गरुयदुक्खंपि ।।२८५।। अह मंतिदारसयणा सयराहमुदाहरंति रुयमाणा । मा कुण वियक्खण ! खए खारक्खेवंखणेणम्ह ।।२८६।। जइ कहवि बुद्धिखूणं संजायं दिव्व
जोगओ एगं । ता मा करेह वीयं गंडोवरिफोडियातुल्लं ॥२८७।। भयकायराण सरणं भवंति धीरा धराहरत्थेजा। * धीरावि धीरयं जइ चयंति ता हो उ किं सरणं? ॥२८८।। अन्नं च । चिरपरिपालियमेयं रजमसंपत्तसत्तुसंतावं ।
हयविप्पहयं होही तुमए मुकं मुहुत्तेण ॥२८९॥ काऊण कुलच्छेयं मा पूर मणोरहे रिउजणस्स । पज लिऊण भुवण को उजोयं कुणइ मइमं? ॥२९॥ इय सविणयं सपणयं गुणदोसवियारसारमवि भणियं । अवगन्निऊण राया चलिओ
। ६८९॥
