________________
।।६७९ ।। -
भिणियपि । पडिभणई संखराया संखो इव महुरनिग्घोसों ।। १२८ ।। अव्वो ! किंपि अउव्वं सोजनं विजयणरवदिस्स । अम्हाणंपि गुणेहि रंजिञ्जइ जेण से हिययं ।। १२९ ।। जइ बालयावि अम्हे जणगविओगेण णिवपयं पत्ता । कि तित्तिएण गुणिणो जाया उत्ताणमइणोवि ? ।। १३० ।। घणगुणरसपुन्नाई पुरिसफलाई हवंति परिणामे । तरुणाई णिग्गुणाई सउणाण मणं ण रंजंति ।। १३१ ॥ अहवा । - दोसेवि गुणे च्चिय परजणस्त पेच्छंति उत्तमा लोया । छायाहरणंपिण मुयइ हिमकिरणो लछणं जेण ।। १३२|| जाणंति पियं चिय वोत्तुमुत्तमा अमयमुत्तिणो णूणं । किं अमयाओ अन्नं झरिउं मयलंछणो मुणइ ? ।। १३३ ।। ता तस्स पुहइवइणी णिकारणवच्छलस्स गुणनिहिणों । कह न करिस्सामि अहं वयणं णणु जणयतुल्लस्स ? ।। १३४ ।।
अह जयसेणकुमारो पभणइ दत्तं समागयं हरिसा । अजम्ह तुम्ह वयणे सविसेसं पञ्चओ जाओ ।। १३५ ।। जओ । एरिसमशुद्धयत्तं एसो नयसुंदरी वयणविहवो । दक्खिन्नविणय उचियन्नुयाओ देवे अउव्वाओ ॥ १३६ ॥ तहवि न तोसो नियगुणगणेसु परगुणथुईसु अणुराओ । अहवा एरिसयच्चियमहाणुभावा जओ भणियं ।। १३७ ।। भरियभुवणंतरेहिं गुणेहिं यिहिं कुंदधवलेहि । बहु तुसंति न धीरा जह परगुणलेसभणणेण ।। १३८ ।। अवब्भुयगुणरयणेहिं पूरियं वरनिहिव्व देवस्स । चरियं पमोयकारणमिह कस्स न होइ दीसतं ? ।। १३९ ।। ससिणेहलोयणेहिं रण्णा कुमरो पयंपिओ एवं । सुंदर ! अईव सुयणो सि घेप्पसे जं मम गुणेहिं ॥ १४० ॥ अहवा ॥ घेप्पंति सुहेणं चिय सहावविमलाई सुयणहियया । पडिबिबिजइ अप्पा किल केण ण दप्पणुच्छगे ? ॥ १४१ ॥ जं विजयरायतणओ तेण तए एरिसेण होयव्वं ।
।। ६७९ ।।
