________________
-महाग्रंथः
॥६४६॥
लोयणवणिएण पेसिया अम्हे । जइ एसि जंबुदीवं ता आरुह एत्थ बेडाए ॥३६।। ताहे पियासमेओ धम्मो तं ऋद्धिसुन्दबेडियं समारूढो । आरोविओ य पायं सगोरवं पोयवणिएण ॥३७॥ वचंति भरहसमुहं सन्नाहकहाहिं पमुइया
रीचरितम् दोवि । जाव जलणाहकूलं जायमहोरत्तदुगगम्मं ॥३८॥ अह धम्मभारियं हिययहारियं लोयणो पलोयंतो । वम्महकिसाणुकीलाकवलियकाओ विचितेइ ॥३९॥ अहह चिराओ विहिणा. सयलो विन्नाणपगरिसो नियओ । पयडीकओ इयाणिं रइऊण इमं वरं रमणि ॥४०॥ अहवा अविरयभावा पगाढसुढियस्स कुसुमचावस्स । मन्नामि हत्थभल्ली जयविजगत्थं इमा सिट्ठा ॥४१॥ किं जोवणेण किंवा धणेण किं जीविएण स्वेण । जइ मे सयं न लग्गइ एसा उकठिया कंठे ? ॥४२।। णूणं ण चेव इच्छइ नरमन्नं निययभत्तुणो एस । को परिणयचूयफलं मोत्तुं निबप्फलं असइ?॥४३।। एवं स पावकम्मो अणप्पकुवियप्पसप्पगसियप्पा । धम्मविघायाभिमुहो संवुत्तो दूरभवियन्व ॥४४।। जायम्मि मज्झरत्ते पसुत्तविक्खित्तपरियणे तेण । खित्तो पमत्तचित्तो धम्मोऽगाहे नईनाहे ॥४५।। जाए तओ पहाए अनियंती रिद्धिसुंदरी दइयं । किंकायव्वविमूढा परोविया करुणसद्देण ॥४६॥ दासत्तंपि पवन्जिय काहं मणनिव्वुइं अहं तुज्झ । कहसु किमन्नं संपइ सक्कइ अम्हारिसो काउं? ॥४७॥ इयनिसुयतदुल्लावा वियक्खणा लक्खिऊणभिप्पायं। संवेगभावियमणा निदइ हियए ॥६४६॥ नियं रूवं ।।४८।। चिंतइ इमेण णूणं कयमेयं एरिसं महापावं । जं रागगहग्गहिया कजाकजं न बुज्झंति ।।४९।। जुत्तं ममावि शृणं पडिउं रयणायरम्मि रयणीए । जं कंतविउत्ताणं मरणं सरणं कुलवहूणं ।।५०॥ अहवावि बालमरणं IN पडिसिद्ध जिणमए पयत्तेणं । संभवइ जियंतीए कयाइ सद्धम्मचरणंपि ॥५१॥ ता जोविउंपि जुत्तं किंतु न याणामि ।
