________________
।३९॥
EXXXXXXXXXXXXXXXXXXXXXXXXXXX
निब्भच्छिओ स दूओ सयं च पंचालविसयम्मि ॥४६३॥ जा पत्ता ताव पुरं पलीवियासन्नगामसंदोहं । बहिनिग्गालियसरजलमंतो य पविट्ठबहुधण्णं ॥४६४।। संगहियपउरजवसिंधणं च निस्सारनिग्गयजणं च। निप्पंकविहियचिरवाविकूवनइदुग्गपागारं ॥४६५।। अपमत्तपुरिसकीरंतपोलिरक्खं निरुद्धसंचारं। सययभमंततुरंगमसेणामुच्चंतपज्जंतं ॥४६६।। ठावियपागारोवरिविचित्तजंतं कयं नरिंदेण । दीहेण रोहसज्झं असज्झपरबलभयवसेण ॥४६७।। एत्तो अणुगम्मतो स बंभदत्तो नरिंदचक्केण । कंपिल्लपुरं रुंभइ समंतओ संभमुन्भंतं ॥४६८॥
तलभागसंठियाणं सालोवरितलगयाण य भडाणं । अण्णोण्णागयदुस्सहमच्छरविसवेगविहुराणं ॥४६९।। अइघोरविहियसंहारबाणनीरंधउवलवरिसाणं । कयनिद्दयपहयपहाणतूररवकायरभडाणं ॥४७०॥ जंतविणिक्खित्तसुतत्ततिल्लविहडंतपत्तिबंधाणं। फरगतिरोहियरक्खण्णमण्णपागारमूलाणं ॥४७१॥ रोसपरव्वसदट्ठोट्ठबंधमुच्चंतनिठुर गिराणं । दित्ततणमूलपक्खेवजलियकरिसारिसूराणं ॥४७२॥ निसियकुहाडयताडियवियडपओलीकवाडबंधाणं । कयरोलजणालोइज्जमाणविहडियकरिघडाणं ॥४७३।। भीमाणि कुऊहलकारगाणि हासावहाणि जायाणि । आओहणाणि पइदिणमइदारुणरोसपसराणि ॥४७४।। दीहभडेसुं निव्वेयमागएसुं पुरस्सरो होउं । अलहंतो अन्नमुवायमत्तणो जीवियव्वस्स ॥४७५।। दीहो उग्घाडियपुरकवाडपुडओ झडत्ति नयराओ। निक्खंतो विउलबलो अवलंबियपोरिसुक्करिसो ।।४७६।। ताण सेणाण संगाम सुमहल्लओ, ठाणठाणम्मि निवडंणसियभल्लओ। लग्गु मग्गेसु उच्छलियरयमंडलो, पोढधाणुककिजंतवणुकुंडलो ॥४७७॥ भेरिभंकाररवभरियभवणोयरो, कुंतसिल्लासिसरभीरुभुयकायरो। सत्थसंघट्टउच्छलियविजु
KXXXXXXXXXXXXXXXXXXXXXXXX.*
॥३९॥
