________________
1४२३॥
रणमूललीणो अहन्नया भिक्खणट्ठाए ।।४।। गामम्मि पविट्ठो विहरिओ य सत्थेण वियडअडवीए । पब्भट्रो तं तन्हाछहाकिलंतं नियच्छति ।।५।। चतारि गोवपुत्ता तं पइ संजायभत्तिबहुमाणा । पडिजागरंति तद्देसणाए बुद्धा य पव्वइया ।।६।। तत्थ दुवे मोहुदया धम्मदुगंछ करित्तु किंचि मया । सुरलोगम्मि गयाओ दसपुरन-रे जसमईए ।।७।। दासीए उत्पन्ना संडिल्लगनामगेण विप्पेण । पुत्ता जमलगरूवा कमेण ते जोव्वणं पत्ता ।।८।। अरछेत्तरक्खणट्ठा वणं गया पायवरस निसि हेट्रा । वडनामगस्स सुत्ता तत्थेगा कुत्थराहिंता ।।९।। अहिणा निग्गंतूणं डको बीओवि तस्स उवलंभ । काउमडतो तेणेव भक्खिओ तक्खणं फणिणा ॥१०॥ तो अकयपडियारा कालिंजरनामगे नगम्मि वरे । जमलत्तेण मिगीए मया समाणा सुया जाया ॥११।। पुव्वभवसिणेहाओ पच्चासन्नं चरंतया संता। वाहेणेगस रेणेव घाइया मरणमणुपत्ता ।।१२।। मयगंगाए तीरे दोवि मरालत्तणेण एगाए । हंसीए उप्पन्ना जमलगभावेण ते तत्तो ।।१३।। पत्ता जायणमेगेण मच्छबंधेण पासियावडिया। गिहित्तु कंधरं वालिऊण पंचत्तमुवणीया ॥१४॥ वाणारसीपुरीए पाणस्स भूयदिन्ननामस्स । तप्पाडगाहिवइणो पुत्तत्ताए समुप्पन्ना ॥१५॥ अच्चंतणहणिब्भरचित्ता नामेण चित्तसंभूया। तीए नयरीए संखो नामेण नराहिवो तइया ।।१६।। नमुई य तस्त सचिवो सो अवराहे तहाविहे जाए। पच्छन्नो वहणट्ठा समप्पिओ भूयदिन्नस्स ॥१७।। तेणावेस पहाणो त्ति य ना तओ मारणिजओ होइ। किंतु रहस्से काउं धरणिजो इय विचिंतेउं ।।१८।। भणिओ जइ मम पुत्ते भूमीहरसठिए तुमं भद्द ! । पाढेसि जीवियव्वं तुह अत्थि न अन्नहा कहवि ।।१९।। अवगन्निऊण जाई कुलं च विजाण पारगत्तं च । नियजीवियत्थिणा तक्खणेण सव्वंपि पडिवन्नं ।।२०॥ तो भूयदिन्नपुत्ते कला
४२३॥
