________________
॥२३॥
गाममइगओ दिदो परिवायगा मए तत्थ । सप्पणयं पणमित्ता कोमलवयणेहिं आभट्ठो ॥२२५।। तेणुतं तुह पिउणो वसुभागो नाम परममित्तमहं । कहियं च तुज्झ जणओ पलायमाणो वणम्मि गओ ॥२२६।। माया ते चंडालाण पाडगे दीहराइणा ठविया। तदुक्खगहिल्लो चल्लिओ य कंपिल्लणगरमहं ॥२२७।। काओ कावालियवेसमित्थ पत्तो तओ पवंचेण । केणवि अमुणिज्जतेण पाडगाओ तओ जणणी ॥२२८।। अवहरिया पिउमित्तस्स देवसम्मस्स माहणस्स गिहे । मुक्का गामे एगम्मि तुम्ह अण्णेसणपरो हं ॥२२९।। इहमागओ म्हि चिटुंति जाव सुहदुक्खपुच्छणपयट्टा । ते दावि ताव एक्को आगम्म नरो इय भणेइ ॥२३०।।
भी भी महाणुभावा ! न किंचि तुम्हाण हिंडियव्वेण । जम्हा दीहनिउत्ता पत्ता जमसण्णिभा पुरिसा ॥२३१।। ते दोवि लहुं ताओ वणगहणाओ कहिचि निग्गंतुं । महिमंडलं भमंता पत्ता कासंबिनामपुरि ॥२३२॥ बहिरुज्जाणे दिटुं सिट्ठिसुयाणं महल्लविहवाण । सागरदत्तो अह बुद्धिलो य इह रूढनामाणं ॥२३३।। लग्गं कुक्कुडजुज्झं सयसाहस्सो पणो को तत्थ । निहओ सागरदत्तस्स कुक्कुडेणं पयंडेणं ॥२३४॥ सेट्टिसयबुद्धिलकुक्कुडो तओ तेण इयरओ निहओ। रणलग्गभग्गचित्तों सागरदत्तस्स कुक्कुडओ ॥२३५।। किजंतोवि अभिमुहं सेो बुद्धिलकुक्कुडस्स नेच्छेइ । जुज्झं कहंचि लग्गं सागरदत्तो जिओ तेण ।।२३६॥ एत्थंतरम्मि भणिया वरधणुणा सेट्टिनंदणा दोवि । एसो किं उत्तमजाइगोवि इय कुक्डो भग्गो? ॥२३७।। ता पेच्छामि न कुप्पह जइ तुब्भे, भासियं पहिलैण । सागरदत्तेण न मे लोभो एत्थत्थि दव्वकओ ।।२३८॥ किंतु अभिमाणसिद्धीइ कजमम्हं तओ य मंतिसुओ। पेच्छइ बुद्धिलकुकडमह तच्चलणेसु
