________________
मिल्लाओ वा चरमंताओ पुरथिमिल्लं चरमंतं एगसमएणं गच्छति दाहिणिल्लाओ वा चरमंताओ उत्तरिल्लं चरमंतं एगसमएणं गच्छति एवं उत्तरिल्लाओ दाहिणिलं उवरिल्लातो हेडिल्लं हिडिल्लाओ उवरिल्लं, से तं पोग्गलणोभवोववायगती, से किं तं सिद्धणोभवोववायगती, २ दुविहा पं०, तं०-अणंतरसिद्धणोभवोववाय परंपरसिद्धणोभवोववायगती य, से किं तं अणंतरसिद्धणोभवोववायगती, २ पण्णरसविहा पं०, तं०-तित्थसिद्धअणंतरसिद्धणोभवोववायगती य जाव अणेगसिद्धणोभवोववायगती य, से किं तं परंपरसिद्धणोभवोववायगती,२ अणेगविहा पं०, तं०-अपढमसमयसिद्धणोभवोववायगती एवं दुसमयसिद्धणोभवोववायगती जाव अणंतसमयसिद्धणोभवोववायगती, सेत्तं सिद्धणोभवोववायगती, से तंणोभवोववायगती, से तं उववायगती ४ । से किं तं विहायगती, २ सत्तरसविहा पण्णत्ता, तं०-फुसमाणगती १ अफुसमाणगती २ उवसंपज्जमाणगती ३ अणुवसंपज्जमाणगती ४ पोग्गलगती ५ मंडूयगती ६ णावागती७ नयगई ८ छायागती ९ छायाणुवातगती १० लेसागई ११ लेसाणुवातगती १२ उद्दिस्सपविभत्तगती १३ चउपुरिसपविभत्तगती १४ वंकगती १५ पंकगती १६ बंधणविमोयणगती १७, से किं तं फुसमाणगती?, २ जण्णं परमाणुपोग्गले दुपएसिए जाव अणंतपएसियाणं खंधाणं अण्णमण्णं फुसंताणं गती पवत्तइ सेत्तं फुसमाणगती १, से किं तं अफुसमाणगती ?, २ जणं एतेसिं चेव अफुसंताणं गती पवत्तति से तं अफुसमाणगती २, से किं तं उवसंपज्जमाणगती ?, २ जण्णं रायं वा जुवरायं वा ईसरं वा तलवरं वा माडंबितं वा कुडुंबितं वा इन्भं वा सिहि वा सेणावति वा सत्थवाह वा उवसंपज्जित्ता णं गच्छति, से तं उवसंपज्जमाणगती ३, से किं तं अणुवसंपज्जमाणगती?, २ जणं एतेसिं चेव अण्णमणं अणुवसंपज्जित्ता णं गच्छति, से तं अणुव
Jain Education International
For Personal & Private Use Only
www.jainelibrary.org
