Page Text
________________
प्रज्ञापना
याः मलयवृत्ती.
४ स्थितिपदे सामान्यविशेषतो देवानां स्थितिः
॥१७॥
कालं ठिई पन्नत्ता ?, गोयमा! जहन्नेणं दस वाससहस्साई उक्कोसेणं दो पलिओवमाई देसूणाई, अपजत्तयाणं पुच्छा, गोयमा! जहन्नेणवि अंतोमुहुत्तं उक्कोसेणवि अंतोमुहुत्तं, पजत्तयाणं पुच्छा, गोयमा! जहन्नेणं दस वाससहस्साई अंतोमुहुत्तूणाई उक्कोसेणं दो पलिओवमाई देसूणाई अंतोमुहुत्तूणाई । सुवण्णकुमारीणं देवीणं पुच्छा, गोयमा ! जहन्त्रेणं दस वाससहस्साई उकोसेणं देसूर्ण पलिओवमं, अपजत्तियाणं पुच्छा गोयमा ! जहनेणवि अंतोमुहुत्तं उक्कोसेणवि अंतोमुहुत्तं, पज्जत्तियाणं पुच्छा गोयमा ! जहन्नेणं दस वाससहस्साई अंतोमुहुत्तूणाई उक्कोसेणं देणं पलिओवमं अंतोमुहुत्तूणं । एवं एएणं अभिलावणं ओहियअपज्जत्तयपज्जत्तयसुत्तत्तयं देवाण य देवीण य नेयत्वं जाव थणियकुमाराणं जहा नागकुमाराणं (मू०९५) पुढविकाइयाणं भंते ! केवइयं कालं ठिई पन्नत्ता ?, गोयमा! जहन्नेणं अंतोमुहुत्तं उक्कोसेणं बावीसं वाससहस्साई, अपजत्तयपुढविकाइयाणं भंते ! केवइयं कालं ठिती पण्णत्ता ?, गोयमा! जहनेणवि उक्कोसेणवि अंतोमुहुत्तं, पजत्तयपुढविकाइयाणं पुच्छा गोयमा! जहन्नेणं अंतोमुहुत्तं उक्कोसेणं बाषीसं वाससहस्साई अंतोमुहुत्तूणाई,सुहमपुढविकाइयाणं पुच्छा गोयमा! जहणवि उक्कोसेणवि अंतोमुहुत्तं, अपजत्तयसुहुमपुढविकाइयाणं पुच्छा गोयमा! जहन्नेणवि उक्कोसेणवि अंतोमुहुत्तं, पज्जत्तय सुहुमपुढविकाइयाणं पुच्छा गोयमा! जहन्नेणवि उक्कोसेणवि अंतोमुहुत्तं, बायरपुढविकाइयाणं पुच्छा गोयमा! जहमेणं अंतोमुहुत्वं उकोसेणं बावीसं वाससहस्साई, अपञ्जत्तयवायरपुढविकाइयाणं पुच्छा गोयमा ! जहन्नेणवि उक्कोसेणवि अंतोमुहुतं, पज्जतयवायरपुढविकाइयाणं पुच्छा गोयमा ! जहन्नेणं अंतोमुहुत्तं उक्कोसेणं बावीसं वाससहस्साई अंतोमुहुत्तूणाई । आउकाइयाणं भंते ! केवइयं कालं ठिई पन्नत्ता ?, गोयमा ! जहन्नेणं अंतोमुहुत्तं उक्कोसेणं सत्त वाससहस्साई, अपज्जत्तयआउका
पृथ्व्यादीनां स्थितिः सू. ९६
॥१७॥
Jain Education International
For Personal & Private Use Only
wwww.jainelibrary.org
| SR No. | 600240 |
| Book Title | Pragnapanopangamsutram Part 01 |
| Original Sutra Author | Malaygiri |
| Author | |
| Publisher | Agamoday Samiti |
| Publication Year | 1918 |
| Total Pages | 752 |
| Language | Sanskrit |
| Classification | Manuscript & agam_pragyapana |
| File Size | 14 MB |