________________
आयामेणं पपणासं जोयणाई विक्खंभेणं बावत्तरि जोयणाई उर्दू उच्चत्तेणं अणेगखंभसयसंनिविदा अभुग्गयसुकयव यरवेइयातोरणवररइयसालिभंजिया जाव अच्छरगणसंघविप्पकिण्णा पासादीया ४, सभाए णं सुहम्माए तिदिसिं तओ दारा पण्णत्ता, तंजहा-पुरस्थिमेणं दाहिणेणं उत्तरेणं, ते ण दारा सोलस जोयणाई उडु उच्चत्तेणं अट्ट जोयणाई विक्खंभेणं तावतियं चेव पवेसेणं सेया चरकणगथूभियागा जाव वणमालाओ, तेसि णं दाराणं उवरिं अट्ठ मंगलगा झया छत्ताइछत्ता, तेसि णं दाराणं पुरओ पत्तेयं २ मुह मंडवा पण्णत्ता, ते णं मुहमंडवा एगं जोयणसयं आयामेणं पण्णासं जोयणाई विक्खंभेणं साइरेगाई सोलस जोयणाई उडू उच्चत्तेणं वण्णओ सभाए सरिसो, तेसि णं मुहमंडवाणं तिदिसिं ततो दारा पण्णता, तंजहा-पुरथिमेणं दाहिजेणं उत्तरेणं, ते णं दारा सोलस जोयणाई उई उच्चत्तेणं अट्ट जोयणाई विक्खंभेणं तावइयं चेव पवेसेणं सेया वरकणगथूभियागा जाव वणमालाओ । तेसि णं मुहमंडवाणं भूमिभागा उल्लोया, तेसि णं मुहमंडवाणं उवरिं अट्ठमंगलगा झया छत्ताइछत्ता।तेसिणं मुहमंडवाणं पुरतो पत्तेयं २ पेच्छाघरमंडवे पण्णत्ते,मुहमंडववत्तवया जाव दारा भूमिभागा उल्लोया । तेसिणं बहुसमरमणिजाणं भूमिभागाणं बहुमज्झदेसभाए पत्तेयं २ वइरामए अक्खाडए पण्णत्ते, तेसि णं वयरामयाणं अक्खाडगाणं बहुमज्झदेसभागे पत्तेयं२ मणिपेढिया पण्णत्ता, ताओ णं मणिपेढियातो अट्ट जोयणाई आयामबिक्खंभेणं चत्तारि जो
Jain
duetionin
For Personal & Private Use Only
m.jainelibrary.org
