________________
कोडीओ बुडिपउत्ताओ चत्तारि हिरण्णकोडिओ पवित्थरपउत्ताओ चत्तारि वया दसगोसाहस्सिएणं वएणं होत्था ॥से णं आणन्दे गाहावई बहूणं राईसर जाव सत्यवाहाणं बहूसु कजेसु य कारणेसु य मन्तेसु य कुड्डुम्बेसु य गुन्झेसु य रहस्सेसु य निच्छएसु य ववहारेसु य आपुच्छणिजे पडिपुच्छणिजे, सयस्सवि य णं कुडुम्बस्स मेढी पमाणं आहारे आलम्बणं चक्खू, मेढीभूए जाव सव्वकजवट्टावए यावि होत्था ॥ तस्स णं आणन्दस्स गाहावइस्स सिवानन्दा नामं मारिया होत्था, अहीण जाव सुरूवा आनन्दस्स गाहावइस्स इट्ठा आणन्देणं गाहावइणा सद्धिं अणुरत्ता अविरत्ता इट्ठा सद्द जाव पञ्चविहे माणुस्सए कामभोए पच्चणुभवमाणी विहरइ ॥ तस्स णं वाणियगामस्स। बहिया उत्तरपुरच्छिमे दिसीभाए एत्थ णं कोल्लाए नाम सन्निवेसे होत्था, रिद्धत्थिमिय जाव पासादीए ४॥ तत्थ णं कोल्लाए सन्निवेसे आणन्दस्स गाहावइस्स बहुए मित्तनाइनियगसयणसम्बन्धिपरिजणे परिवसइ,अड्डे जाव अपरिभूए । तेणं कालेणं तेणं समएणं समणे भगवं महावीरे जाव समोसरिए, परिसा निग्गया, कोणिए राया जहा तहा जियसत्तू निग्गच्छइ २ ता जाव पज्जुवासइ ॥ तए णं से आणन्दे गाहावई इमीसे कहाए लढे समाणे एवं खलु समणे जाव विहरइ, तं महाफलं जाव गच्छामि णं जाव पन्जुवासामि, एवं सम्पेहेइ २ ता बहाए । सुद्धप्पावेसाइं जाव अप्पमहग्याभरणालङियसरीरे सयाओ गिहाओ पडिणिक्खमइ २ ना सकोरण्टमल्लदामेणं छत्तेणं| धरिजमाणेणं मणुस्सवग्गुरापरिक्खिने पायविहारचारेणं वाणियगामं नयरं मझमझेणं निग्गच्छइ २ ता जेणा
Jain Education
For Personal & Private Use Only
www.jainelibrary.org
