________________
खेजा समया अणंता समया ?, गोयमा! नो संखेजा समया असंखेजा समया नो अणंता समया, आणापाणूणं भंते ! किं संखज्जा एवं चेव, थोवे णं भंते ! किं संखेजा, एवं चेव, एवं लवेवि मुहत्तेवि एवं अहोरत्तेवि, एवं पक्खे मासे उडू अयणे संवच्छरे जुगे वाससये वाससहस्से वाससयसहस्से पुवंगे पुत्वे तुडियंगे तुडिए अडडंगे अडडे अववंगे अववे हूहुयंगे हुहुए उप्पलंगे उप्पले पउमंगे पउमे नलिणंगे नलिणे अच्छिणिउपूरंगे अच्छणिउपूरे अउयंगे अउये नउयंगे नउए पउयंगे पउए चूलियंगे चूलिए सीसपहेलियंगे सीसपहेलिया पलिओवमे सागरोवमे ओसप्पिणी एवं उस्सप्पिणीवि, पोग्गलपरियट्टे णं भंते!कि संखेजा समया असं
खेज्जा समया अणंता समया ? पुच्छा, गोयमा! नो संखेजा समया नो असंखेजा समया अणंता समया, है एवं तीयद्धाअणागयद्धस बद्धा ॥ आवलियाओ णं भंते ! किं संखेज्जा समया ? पुच्छा, गोयमा ! नो संखे
जा समया सिय असंखिज्जा समया सिय अणंता समया, आणापाणूणं भंते ! किं संखेजा समया ३१, एवं चेव, थोवाणं भंते ! किं संखेजा समया ३, एवं जाव ओसप्पिणीओत्ति, पोग्गलपरियहाणं भंते ! किं संखेजा समया ? पुच्छा, गोयमा! णो संखेजा समया णो असंखेजा समया अणंता समया, आणापाणूणं भंते! किं संखेजाओ आवलियाओ पुच्छा, गोयमा ! संखेजाओ आवलियाओ णो असंखिजाओ आवलियाओ नो अणंताओ आवलियाओ, एवं थोवेवि एवं जाव सीसपहेलियत्ति । पलिओवमे णं भंते ! किं संखेजा ३? पुच्छा, गोयमा! णो संखेजाओ आवलियाओ असंखिजाओ आवलियाओ नो अणंताओ आवलियाओ,
Jain Education International
For Personal & Private Use Only
www.jainelibrary.org
