Page Text
________________
नवपद-18
बनिर .वृ. यशो
चिय छिदं पत्तं एयस्स मरणाय ॥१७॥ इय चिंतिऊण गहिऊण कुंडलं तयणुमग्गओ लग्गो । ताव गओ जा पत्तो चेइहरं नागदत्तोत्ति ॥१८॥ पडिमागयस्स तत्थ य गलंमि से बंधिऊण तं तेण । आहूया नियपुरिसा पयंसियं कुंडलं तेसि।।१९।। भणियं च एस पावो रण्णो गहिऊण कुंडलं पत्तो। एगंते थवणत्थं ता गहिओ बंधिउं च इमं ।।२०।। उवणेह निवसमीवं तेहिवि संपाडिऊण से आणं । नीओ रायसयासं कहियं च इमं जहा देव ! ॥२१॥ तुम्हेस कुंडलं पाविऊण तस्सेव थवणकज्जेणं । एगंतगओ पत्तो संपइ देवो पमाणंति ।।२२।। तव्वयणायण्णणजायगरुयरोसारुणच्छिजुयलेणं । जुत्ताजुत्तं . अवियारिऊण तो राइणा भणियं ।।२३।। भो ! भो ! रयणिविरामे विगोविऊणं नयरमझमि । आरोविज्जउ एसो सूलाए अणज्जवावारो ॥२४॥ तो वसुदत्तेण इमो धरिओ लहिऊण राइणो वयणं । रयणीऍ बंधिऊणं जाए य पहायसमयंमि ।।२५।। रत्तकणईरमालोवमालिओ रत्तचंदणविलित्तो ।। आरोविऊण खंजे खरंमि लुयपुच्छकन्नम्मि ।।२६।। छित्तरियधरियछत्तो पुरओ वज्जतडिडिमो नयरे । भामेउं आढत्तो भणइ य वसुदत्तवयणेणं ।।२७।। एगो मायंगजुवा वच्चंतो तस्समीवदेसंमि । एएण निवइसंतं अवलत्तं कुंडलं लोय ! ।।२८।। अवराहेण इमेणं विडंबणाकरणपुचमेवमिमो । वज्झवसुहाए निज्जइ परुठनिवइस्स आणाए ॥२९॥ सोऊण तस्स वयणं दारुणमेयं जणो विचितेइ । किं एवमिमो जंपइ किमलीयमुयाहु सच्चमिणं? ॥३०॥ आरुहिऊणं ताहे पासायसिरंमि कोऽवि तं दटुं । भणइ इमं नरवइणा अवियारियमेयमादिटुं ॥३१।। जम्हा ण एरिसागिईए जुज्जए कम्ममेरिसं कहवि । तत्थत्थो वयइ परो जुज्जइ एयपि कम्मवसा ||३२।। जओ भणियं-"कम्माइं नूणं घणचिक्कणाई अइकढिणवज्जसाराई। नाणड्डयपि पुरिसं पंथाओ उप्पहं निति ॥३३॥" अन्नत्थ गवक्खत्था तयवत्थं नियवि काऽवि तं बाला । पलवइ सकामहियया अहो न जुत्तं कयं विहिणा ।। ३४।। जं गुणरयणनिहीविहु एसो संपाविओ इममवत्थं । अण्णा उ भणइ जीसे एस पइ सा हया अज्ज ॥३५।। जइ एएणं चिय सह न मरिस्सइ चितई तहा । अवरा । जीसे दिट्ठिपहं चिय एस गओ सावि इह धन्ना ॥३६॥ किं पुण कंठविलग्गा इमस्स जा एवमाइ आलावं । निसुणंति नागवसूवि दटुं तं ! गेहमारूढा ॥३७|| पासित्तु रायमग्गेण तं निउत्तेहि नीयमाणं च । हाहा हयम्मि एवं विलवंती मुच्छिया सहसा ॥३८॥ सा तारिसया तेणं दिट्ठा भवियव्वयानिओएणं । चितइ पेच्छ मदत्थं पत्तेयं केरिसमवत्थं ? ||३९|| जइ मज्झ कहवि होही इमाओ वसणाओ मोयणोवाओ । ताऽवस्सं एईए मणोरहे पूरइस्सामि ॥४०॥ इय सो चितंतो च्चिय नीओ नरवइनरेहि वज्झभुवं । भणिओ य पाव रे इठदेवयं सुमरसु ! इयाणि ॥४१।। तो ॥१२५॥ सरियजिणमयत्थो सिद्धाणालोयणं स दाऊणं । गिण्हइ पच्चक्खाणं सागारं सुद्धपरिणामो ॥४२॥ इओ य-सा नागवसू किह किहवि चेयणं पाविउँ सगिह
lain E
n
ematon
For Personas Private Use Only
www.jainelibrary.org
| SR No. | 600202 |
| Book Title | Navpad Prakaranam |
| Original Sutra Author | Jinendrasuri |
| Author | |
| Publisher | Harshpushpamrut Jain Granthmala |
| Publication Year | 1998 |
| Total Pages | 334 |
| Language | Sanskrit |
| Classification | Manuscript |
| File Size | 8 MB |