________________
पाइअविन्नाणकहाण
आणंदसावगस्सकहा
॥३॥
तत्थेव आगच्छइ, सीसे कयकरंजली आणंदो भणेइ-आगंतुं असमत्थो तओ मम सण्णिहिया होइ, तिवारं चरणं फासिअ वंदेइ, पुच्छइ य-सावगस्स ओहिनाणं उप्पज्जइ किं । गोयमो आह-समुप्पजइ । सो कहेइ-मम एव इयं
ओहिनाणं समुप्पण्णं अदिण्णोपयोगो गोयमो भणइ-गिहत्थस्स न तावइयविसयं ओहिनाणं, [अओ]असब्भूयभासणस्स मिच्छामि दुक्कडं दाऊण आलोएह, तव पायच्छित्तं लग्गं । तओ आणंदो भणइ- भयवं! सच्चमविभासियं किं आलोइज्जइ ? गोयमो-नत्ति । आणंदो-जइ एवं तुम्भेहिं चेव पमायपरूवणाए आलोइयव्वं, मम पुण नत्थेत्थ विसए को वि संसओ। आणंदभासियं सोऊण गोयमो संकिओ सामिसगासे आगंतूण भत्तपाणं दंसिऊण वंदित्ता पुच्छइकेसिं सच्चं ?, 'आणंदभणियं सच्चं' ति भयवं कहेइ, पुण भणियो य गोयमो-निय-मणुवओगभणियं आलोएहि, गंतुं च आणंदं खामेहि, भगवदुत्तं सम्म पडिवजित्ता तहेव कयं । वीरो विहरिओ। आणंदो वि वीसं बरिसाणि जाव सावयत्तं अणुपालित्ता मासखवणं काऊण सोहम्मकप्पे अरुणाभे विमाणे चउपलिओवमाऊ देवो जाओ, तओ चुओ महाविदेहे सिज्झिस्सइ, जहा कामदेवो । उवएसोसूणिऊणं इहाणंद-सावगस्स नियंसणं । भव्वा भावविसुद्धीए, जत्तं कुणेह सव्वया ॥५६॥ एवं भावविसुद्धीए छप्पण्णासइमी आणंदसावगस्स कहा समत्ता ॥५६॥
-कहावलिगथाओ
॥३॥
Jan Educabon International
For Personal & Private Use Only
www.jainelibrary.org
