________________
Jain Educatio
इत्थंतरम्मि पत्तो, सत्थवई नंदिवर्द्धणो तत्थ । रयणउरनयरगामी, उदयत्थं पेसए पुरिसे ॥ १०६ ॥ ते जा नियंति कूं, ता चंदणचंदकंतमभिदद्धं । साहित्तु सत्थवइणो, कति य मंचियाइ लहुं ॥ १०७ ॥ पुट्ठो य सत्थवरणा, वृत्तंतं कहइ चंदणो सव्वं । संचलिओ नियनयराभिमुहं वूढो य दिणपणगं ॥ १०८ ॥ दिट्ठो तेण निवहे, छट्ठदिणे हरिविदारिओ पुरिसो । नाउं घणोवलंभा, हहा ! बराओ अहणगु ति ॥१०९॥ तं दव्वं गहिऊणं, पकाम विसुज्झमाणपरिणामो । रयणउरे संपत्तो, पत्तेसु निउंजिउ दव्वं ॥ ११० ॥ गिह्नित्तु विजयवद्भणस्ररिसमीवेऽणवज्जपब्वज्जं । जाओ य सुककप्पे, सोलसअयरट्ठिई अमरो ॥ १११ ॥ तो चविउं इह भरहे, रहवीरपुराभिहाणनयरम्मि । गेहवहनंदिवद्वणसुंदरिपुत्तो इमो जाओ ॥ ११२ ॥ नामेण गंगदेवो, अनंगदेव न लडहरूवेण । सिरिदेव सेणगुरुणो, पासे पडिवनगिरिधम्मो ॥११३॥ अह अहणगो वि हरिणा, हणिओ सेलाइ नारओ जाओ। सीहो भविय तर्हि चिय, पुणो वि पत्तो असुहचित्तो ॥ ११४॥ तो हिंडिय भूरिभवे, तत्थेव य सोमसत्थवाहस्स । नंदिमइमारियाए, जाओ धणदेव नाम सु ॥ ११५ ॥ असदसढमाणसाणं, तेसिं पीई परुप्परं जाया । ते दविणज्जणमणसो, कयात्रि पत्ता रणदीवे ॥ ११६ ॥ कड़वयदिणेहि चलिया, सपुराभिमुहं वित्तबहुवित्ता । अह धणदेवो जाओ, नियमित्तपर्वचणप्पवणो ॥११७॥ कम्मविगामे हट्टे, कराविया मोयगा दुवे तेण । इक्कम्मि विसं खित्तं, एवं मित्तस्स दाहं ति ॥ ११८ ॥ आउलमणस्स जाओ, मग्गे इंतस्स तस्स वच्चासो । सुद्धो सहिणो दिष्णो, सयं तु विसमोयगो भुत्तो ॥ ११९॥*
* प्रन्धाप्रम् ९००
For Private & Personal Use Only
ainelibrary.org
