________________
सिद्धंतरहस्सं पटंति पाठयंति य,-खणमित्तसुक्खकजे, जीवे निहणंति जे महापावा । हरिचन्दणवणसंडं, दहति ते छारकजंमि ॥ १॥ जो जीवदयारहिओ, मूढो अन्नं करेइ इह धम्म। आरुहइ छिन्नकण्णं सो खरमिभमुत्तमं मुत्तुं ॥ २॥ जो जलहिबिंदुमाणं, जाणइ गयणम्मि रिक्वपरिमाणं । सो अभयदाणपुण्णं, संपुण्णं वण्णए कहवि ॥३॥ इचाइवयणाई संकलसंदामिया अवि कोलेया एगग्गमणा सुणंता संजायचेयणा इय चिंतयंति-अहह अम्हहिं मूढेहिं अमुणियपुण्णपावविवागेहिं परकजकरणसजेहिं अणजेहिं अप्पा नयरंधकूवे कहं पाडिओ ?, अओ वरं सामिआइट्ठहिँपि अम्हेहिं नरयगइपहो जीववहो जावजीवं न कायबो । इओ य संगामसूरेण गामाओ आगएण तं मंडलमंडलं संकलकलियं पुरओ नेऊण अरण्णहरिणजूहं निरूविऊणं बंधणाओ मोइऊण य हुस्सुकारियंपि न पयाउ पयं देइ, चित्तलिहियं व चिट्ठइस तओ तेसिमहिगारिणो पुच्छेइ, तेवि करे जोडिऊण भणंति-देव विसेसकारणं किंपि न याणिमो परमेसि बंधणठाणपासे मुणिणो वसंति, ते य दयानिरूवगं सत्थं पइक्वणं पढंति, तेसिं वयणाई सुणं|ता जइ जीवदयापरिणामपरा संजाया इय लक्खीयइ। कुमरोवि एवं सुणिय संजायचेयन्नो चिंतिउं लग्गोअहो अहो माहप्पं महेसीणं-जं पसुणोवि एए एवं पडिबुद्धा, नवरमहं चेव नरेसु पसू जं निरवराहे जीवे मारेमित्ति वियारिय बंधणेहिंतो सारमेए मोइय कुमारो वागरइ, हंहो साणा ! जइ तुब्भे संबुद्धा ता सूरीणं समीपमलियह, ता ते |विसरासणुम्मुक्कसरा इव सूरिचरणंतियं गंतूण पणमिऊण य करे जोडिऊण उवविट्ठा। कुमरोवि कोउगुत्ताणमाणसो
Jain Education
a
l
For Private & Personal Use Only
M
ainelibrary.org
