________________
तत्थ आगओ सपरियणो पयईए दुजणो दुजोहणो । तं मुणिंदं पिक्खिय अणेण अम्हाणं पुवपुरिसागयं कित्तिसव्वस्समवहरियमिय पुववइरमणुसरंतो माउलिंगेण ताडेइ । तब्भावं मुणंतेण तप्परियणेण य पाहाणखंडेहिं आहणिऊण लिट्ठरासीकओ।तओ रायवाडीए बलिएण जुहिद्वि(र)रण्णा तत्थतं मुणिमपिच्छंतेण तट्ठाणे लिट्ठरासिं पलोयंतेण नियपरियणो पुट्ठो-कहिं विहरिओ ? स महप्पा धम्मकप्पहुकप्पो ? तेणावि दुजोहणवुत्तंतो तप्पुरओ वुत्तो। तं सुणिय अईव अधिई कुणंतो पायकेहिं लिट्ठरासिं दूरे काराविय अंगसंवाहगहिंतो अंगं सजं निम्माविय सयं तं मुणिवरं खामिय पत्तो पासायं जुहिद्विरनरवरो, दवदंतोऽवि संवेगावेगेण एवं भावेइ-एस मे सासओ अप्पा, नाणदंसणसंजुओ।
सेसा मे बाहिरा भावा, सवे संजोगलक्खणा ॥१॥ तओ स कोरवेसु अवकारकारिसु पंडवसु य उवयारपरेसु स६ मचित्तवित्तिं धरेइ । अह जुहिद्विरराओ सेवावसरागयं दुजोहणं एवं निभच्छइ,-अरे कुलकुठार !! अंगीकयमादयंगायार !! इहभवपरभवदुगुंछणिजं मुणिवरावमाणणं किं तए कयं, ? तइया किं तुमं कत्थवि गओ आसि,?
किंवा तस्स परक्कम गीयमाणं न तए सुयं ? जइया तेण वेढियं हुत्था हत्थिणाउरं, अणेण य रायरिसिणा पुविं पञ्चावि वयं जिया, संपइ पुण पंचावि इंदिया. धरिओ य दुद्धरो पंचमहत्वयभारो, अओ को तं निजिणिउं सका। तओ सोऽवि रायरिसी तं दुस्सहं परीसहपीडं सहतो संवेगावेसेण झाणंतरियं पडिवजिय गुणसेणिं समारुहिय संपत्तकेवलनाणो सिवपुरं गओ-बुत्तंतमयं दवदंतसाहुणो, चित्ते निसित्ता सममित्तसत्तुणो । संवेगरंगंगणनदृसी
Hann Education Interational
For Private &Personal use Only
www.ainbrary og
