________________
सम्य०
॥१३६॥
घेण महुस्सवसणाहा ॥ १०३ ॥ सूरीवि पउणपहरं काऊणं धम्मदेसणं संघं । आपुच्छिऊण पत्ता भरुयच्छे करिय पयलेवं ॥ १०४ ॥ अस्सावबोहचेइय- मज्झे सहसत्ति पिक्खिओ सूरी । संघेणं आनंदिय-चित्तेण नमसिओ य तहा ॥ १०५ ॥ बहुट्टगीयसंखाइ - सहसंपूरिए पुरे सयले । रायाईणं जाया सूरीणं आगमणसुद्धी ॥ १०६ ॥ तो झत्ति पोरलोएण संजुएणं धराहिराएणं । जंगमतित्थुत्ति भणतएण नमिओ स गणहारी ॥ १०७ ॥ संघेणं भूवइणा सूरी वत्थाइणा य सक्करिओ । तेणवि तं सयलंपिहु दिन्नं धिजाइयाईणं ॥ १०८ ॥ साहुकारे जाए सूरीणं विन्नवे तो राया । भयवं ! को मह दोसो जंनागच्छेह भरुयच्छे १ ॥ १०९ ॥ सूरीवि आह मं मन्नखेड संघो न विहरिजं देइ । कहमवि एवं पहरं अज्ज मए तित्थजत्तकए ॥ ११० ॥ मन्नाविय पहरदुगे गंतुं तत्थेव देव ! भुत्तवं । तो राया विन्नवइ पसिउं मह वयणमिह कुणसु ॥ १११ ॥ कलदिणाओ अट्ठ य - दिणाणि महिमं जिणाण काहमहं । तो आगमणपसाओ पइदियहं नाह ! कायचो ॥ ११२ ॥ सूरीहिंवि पडिवन्नं तुमं महाराय ! कुणसु जिणपूयं । आगंतूण महं तुह मणोरहं पूरइस्सामि ॥ ११३ ॥ तत्तो वलहिं संपत्तो पालित्तो पवयणुन्नई काउं । वंदेडं सत्तुंजयरेवयगिरिनयरतित्थाई ॥ ११४ ॥ ढंकपुरम्मी जा जिण - हरम्मि सूरी करावए महिमं । ता नागज्जुणजोगी आग - च्छ तस्स पासम्मि ॥ ११५ ॥ विणणं मन्नाविय सूरिं नेऊण निययमढियाए । तच्चलणे पक्खालइ सुद्धजलेणं ससीसुब ॥ ११६ ॥ विन्नवह नाह ! कोमुइमहुस्सवं जाव इत्थ आवेउं । नियदंसणेण नयणे, मह सकयत्थे करि
Jain Education International
For Private & Personal Use Only
स० टी०
॥१३६॥
www.jainelibrary.org
