________________
सम्य०
॥१०६ ॥
Jain Education
अहो किमेयंति रक्खसो सत्थं गहिय उट्ठिओ, जक्खोव करयले मुग्गरमुल्लालयंतो सज्जीहूओ, कावालियकलिया कालियावि पयडियदित्तकत्तियाइपहरणा जाया सावहाणा, कुमरो उण असंभंतचित्तो जाव चिट्ठा, ताव जय जीव चिरं नंद हरिवाहणनरिंदनंदण ! इय भणंता देवा कमलक्खाजक्खिणीए आगमणं निवेयंति सावि विमाणाओ उयरिऊण कुमरं नमिय तद्दिन्नासणे उवविसिय एवं वयासी - साहम्मिय ! तया मम् संमत्तं दाऊण विंझगुहाए सूरिपासे तुम्हे ठिया, तओ जाए पभाए अहं सपरियणा मुणिंदपासे गया, तत्थ तुम्भे न पलोइया, तओ ओहिनाणेण इत्थ मए मज्जणभोयणाइ कुणमाणा तुम्हे दिट्ठा, तत्तो कजंतरेण खलिया इयाणिं पुण पुण्णजोगेण तुम्ह मुहकमलं पलोइयं । तओ जक्खेण पहाणं विमाणं रइऊण कुमरो विन्नत्तो -सामिय ! आरुहसु इत्थ विमाणे, जहा कमलपुरे जाइज्जइ । तओ भीमो उट्ठिय कणगरहरायं विणयपरं तंमि चेव नयरे ठाविय मंतिसुयसमेओ चडिओ विमाणे, तस्स पुरो हरिसुक्करिसेण देवा देवगणा य नचंता तुरगुव हिंसंता मयगलुब गुलुगुलंता भेरीभंभापमुहपंचसद्दनिनाएण गयणंगणं परिपूरयंता निमेसमित्तेण पत्ता कमलपुरासन्नगामं, तत्थ जिणभवणे पूयं काउं कुमारो पविट्ठो, जक्खाईहिंप दिन्नो समहत्थो पडुपडहतालकंसालमुयंगझलरिभेरिढक्कबुक्कत्रंबकपभिइवाइत्तनिनायपुरस्सरं तम्मि समए तहा तेसिं नाओ समुहसिओ जहा अत्थाणमंडवसंठिएण राइणा सकन्नेहिमायन्निओ, तत्तो राया मंतियणं पुच्छह-अज्ज किं कस्सवि मुणिणो नाणमुप्पन्नं ? अहवा नयरे कोऽवि महसवो, जं एस पंचसदो सुणिजइत्ति
For Private & Personal Use Only
स० टी०
॥१०६ ॥
jainelibrary.org
