________________
१८ Jain Educatio
तहा केणवि पासंडिपासेण भोलविय कहिंपि नीओ कुलसामी भीमकुमारो य मह सरणमसरणस्स, तओ सहासं जोई तं पइ जंपइ- रे वराय ! तुज्झ पहू मह भएण काउरिसुत्र पलाणो कहं सरणं होही ?, संपयं कालियाए मह पुरो कहियं स तुह सरणदाया विंझाडवीए सेयभिक्खूणं पासे चिट्ठा, तस्स एसो असी, तस्स ठाणे वराय ! तुज्झेव संपइ सीसं छिंदिस्सं, तओ ताणमन्नुन्नमालावमायण्णिय भीमो भीमभीउडिवियडभालयलो चिंतेइ - हा कहमेस दुरप्पा मम पाणसमाणं मित्तं बुद्धिमयरहरं विडंबेइ ?, तओ समुल्लसियपोरिसो कुमरो तं हकइ-रे पाव पासंडियाहम ! संपयं सज्जो होहिही, एस ते सीसं छिंदेमित्ति, तत्रयणं सुणिय सम्भंतचित्तो जोई तं नरमुज्झिय कुमरसम्मुहं खगमुग्गिरिय धावेइ, भीमोवि दुवारकवाडघारण तस्स कराओ करवालं पाडिय दाहिणकरे तं गहिय वामहत्थेण केसेसु गहिय कालीए पुरओ पाडिय हियए पायं दाऊण जाव कावालियसिरं लुणिही ताव काली अंतरे ठाऊण भणइ हे वीरसेहर ! मा एयं मम वच्छलं मारेहि, जओ एएण मज्झ सत्ताहियसएण नरसिरेण पूया निम्मिया, अज्ज उण अनुत्तरसयपूरण मेएण सिरेण करिय संतोसिहिही, तओऽहं पयडीहोउण जाव सिज्झिस्सं ताव वीराहिवीर ! तुमित्यागओ, तो तुहासमसाहसेणऽहं तुट्ठा, वरसु वरं, भीमोवि वागरइ-जह सम्मं मम वरं देसि, ता तुमं तिगरणसुद्धीए सङ्घजीवाणं मारणनिवारणं कुणेसु, तहा- करुणामयं जिणमयं, जइ पुत्रिं सेवियं हवे तुमए । ता कुच्छियदेवभवे, एरिसए नो पडिज्जासि ॥ १ ॥ तम्हा चय जीववहं, तुह भिचा अवि हवंतु दयनिरया ।
onal
For Private & Personal Use Only
w.jainelibrary.org
