________________
RECEREMOCROCHACHARYA
पुरो तरस ॥७३॥ मन्नतेण दिएणं, तबयणं वेयवयणमिव सचं । तक्खणमेव खणाविय, खोणिं पयडीकओ स निही ॥ ७४ ॥ तं पासिऊण गंतूण मुणिवई पणमिउंच स भणेइ । आगच्छह सच्छमणा, गिण्हह अद्धं निहाणस्स ॥७५॥ अह वागरइ गुरूबिहु, किं कुणिमो सोमचंद ! दविणेणं ? । अम्हेहि पुरा गेहे, तं चइऊणं वयं गहियं ॥ ७६ ॥ अन्नं च-गयरागदोसमोहेहिं, भासियं अम्ह जिणवरिंदेहिं । परिहरियो अत्थो, अणत्थसत्थस्स वित्थारो ॥ ७७ ॥ भणियं च-दोससयमूलजालं, पुवरिसिविवजियं जईवंतं । अत्थं वहसि अणत्थं, कीस निरत्थं तवं चरसि ?
७८॥ तं सुणिय सूरिवयणं, धणद्धगहणे परम्मुहं स दिओ। झूरइ हा मह वाया, जीवंतस्सवि मया जाया ॥७९॥ भणियं च-तित्तियमित्तं जपह, जित्तियमित्तस्स होइ निबाहो । वायामुयणे नासइ, जीवं(वो)ता मा मुया होह
८०॥ अंसुजलाविलनयणो, पुणो पुणो मुणिवरिंदपयपउमे । विणिवेसियनियसीसो, दीणो करुणस्सरं भणइ ॥ ८१॥ नो मन्नइ तन्वयणं, निरीहचूडामणी मुणिंदोवि । तो पुण पुणवि रुवंतं, तं पइ जंपइ पुणोवि गुरू ॥ ८२ ॥
जइ एवं निबंधो, वयंस ! तुह इत्थ अत्थि अत्थंमि । ता निसणेसु रहस्सं, न धणं कहमवि गहिस्सामि ॥ ८३॥ लाज तइया अद्धगहो, वयणछलेणं मयावि पडिवन्नो । तस्ससो परमत्थो, स कयत्थो कीरउ जहिच्छं ॥ ८४ ॥ दो
तणयाणं मज्झे, एगं सबस्सअद्धयसरूवं । अम्हाणं देसु तओ, तुम्ह पइन्ना हवउ पुण्णा ॥ ८५॥ अइदुक्करपि वयणं, मणमि ठविऊण मुणिवराणं तं । तो निहिधणं समग्गं, पुत्ताणं अप्पए स दिओ ॥८६॥ सूरीणं तं वयणं, मणंमि
SOCRACCURACCORRECRUCIRCAM
Jain Educationa Niha
For Privale & Personal Use Only
Mainelibrary.org
