________________
सम्य०
॥ ५८ ॥
जइ तत्थ गया तुमं सूरुग्गमं जाव चिट्ठिहिसि, तओ परं मह दंसणं तुह न हविस्सइ, एस उण संकेओ - जया निय| केसपासाओ मयनागं पडियं पिच्छिहिसि, तओ परं न तुह मह दंसणं होही, तीएवि जंपियं-एयमवि होउ, जइ इक्कवारं कपि पलोएमि तणयवयणं । तओ सा पेसिया तियसेण, तप्पभावेण य निमेसमित्तेण पाडलिपुत्तं पत्ता, | उग्घाडिऊण वासभवणं पट्ठा, तं च केरिसं ? “जलंतमणिदीवयं, कणयकंतिसंदीवियं । सुपक्कफलपूरियं, महमहंतकप्पूरियं ॥ १ ॥ पफुल्लकुसुमुक्करं, अगरधूवगंधुदुरं । अलंकरणसुंदरं, पण सुगंधियाडंवरं ॥ २ ॥ तं पलोइऊण पुवाणुभूयरयकेलिसुमरणसंजायकुसुमसरवियारपसरावि पिययमपासपसुत्तभइणीनिरुवणईसावसविवसा सव|क्किजणणी कयकूवपकखेव संभरणुन्भूयकोवरसा तणयवयणपलोयणसंभवं तप्यभोयरसभरा सा खणं ठाऊण धाइसयमज्झसुत्त पुत्तसगासं गया, तं कमलकोमलकरेहिं गहिऊण खणं रसावेऊण चउद्दिसंपि नियारामफुलफलपगरं खिवेऊण पत्ता नियवासकूर्व आरामसोहा । तओ पभायसमए धाईहिं विन्नत्तो राया - सामि ! अज कुमारो पुप्फफलेहिं केणावि पूइओ दीसह, तं सुच्चा रायावि आगओ तस्सगासं, तं च तहा दहूण पुच्छिया सा कूडआरामसोहा, सावि भणइ - मया नियारामाओ समरिऊण समाणीयं पुप्फफलाइयं एयं । तेओ रण्णा वृत्तं संपयं किं न आणेसि ? तीए वृत्तं-न वासरे आणेउं सक्किज्जइ । तओ विलक्खवयणं तं पिक्खिऊण रण्णा चिंतियं-अवस्समेस कोऽवि पवंचो, एवं तिन्नि दिणा जाया, तओ सा रण्णा बुत्ता - अजवस्सं आराममाणेह, तओ सा अचंतं विलक्ख
Jain Education International
For Private & Personal Use Only
स० टी०
॥ ५८ ॥
www.jainelibrary.org
