________________
2000
श्रीमहा
चरित्रे २ प्रस्ताव
स्थावरभव: परिव्राजकता.
॥२७॥
झडत्ति एगत्थ विजुपुंजभासुरा पवरकणगसिंहासणनिविठ्ठा एगा जक्खकन्नगा, अविय
गंडयलललंतुजलकुंडलकिरणोलिविच्छुरियवयणा । नाणामणि(मय) भूसणससिरियरेहंतदेहलया ॥ २४८ ॥ आमलयथूलमोत्तियनवसरहारावरुद्धथणवट्ठा । पप्फुल्लमणहर(हरा)वम्महतरुतरुणसाहब ॥ २४९ ॥ पायालसिरिव रइव देवरमणिव जणियमणमोहा। ललियकरकलियलीलासरोरुहा सुंदरावयवा ॥२५॥ भुवणच्छेरयभूयं रूवं दई अदिद्वपुर्व से । मयरद्धपसरविहुरा अम्हे तप्पासमल्लीणा ॥ २५१॥
सावि अम्हे आगच्छंते पेच्छिऊण सन्निहियपजलंतपयंडजालाकराले झडत्ति कुंडे पविठ्ठा, अम्हे पुण महामोग्गराहया इव विदाणवयणा चिंतिउं पवत्ता-किं पच्छाहुत्तं नियत्तामो उयाहु तत्थेव तदंगसंगसंलग्गलायन्नपुन्ने जलणकुंडे पयंगो इव अत्ताणं खिवामो?, केवलं दारुणो दहणो खणद्धेणवि दहइ देह, संसइओ य तीए सद्धि मीलगो, जीवंता पुणोऽवि भहाई पेच्छिस्सामो, ताव सहसचिय एगनिकंजाओ कुंजरोव गरुयंगभारो अंगभारधरहरियधरणितलो धरणितलताडणसमुच्छलंतपडिसहयसहस्सबहिरियदिसाभोगो दिसाभोगपसरंतकज्जलगवलगुलियालिवलयकालप्पभाजालो करधरियमहंतनरसिरकवालो कालरत्तिजणगो इव दुप्पेच्छो क्यणेण व धूमवत्तिं मुयमाणो फारफुफाररउद्दकसिणभुयंगबद्धकेसमारो समायओ तं पएसं झडत्ति खेत्तवालो, तओ तेण अचंतरोसारुणच्छेण पेच्छिऊण भणिया अम्हे-रे रे पुरिसाहमा ! विणट्ठसीलसमायारा कायरडियमेतवित्तसियसरीरा किं नियचित्तावटुंभ
Jain Educati
o nal
For Private & Personel Use Only
M
ainelibrary.org
