________________
श्रीगुणचंद महावीरच० ८प्रस्ताव
I
एवंविहगाढकिलेससंविढत्ताए भोयणविहीए । दिणगमणियं कुणंतस्स मुद्ध! का चंगिमा तुज्झ?॥१॥ किंवा सरीरसोक्खं संपजइ को य विसयवामोहो । किं वा सुचरियनिप्फायणं च संभवइ एवं च॥२॥ नो एयपरिचागो सुदुक्करो दिवसोक्खकंखीणं । तुम्हारिसाण जायइ जेणऽजवि किर महासत्ता ॥३॥ पउरमणिकणगरयणुकराई तरुणीओ सुंदरे गेहे । मोत्तूण पन्नगंपिय धन्ना लग्गति धम्ममि ॥ ४॥ अन्ने पुण आकालियदुरंतदारिद्दविहुयावि दढं। पावारंभपयट्टा जम्म सयलंपि वोलिंति ॥५॥ ते अण्णत्थवि जम्मे तहेव पुणरुत्तदुक्खसंतत्ता । तल्लोविल्लिं पकुणंति थोवसलिलंमि मच्छोध ॥६॥
जइ पुण ते घरवावारलक्खभागे व धम्मकजंमि । अब्भुजमंति रुंधति नित्तुलं ता दुहदुवारं ॥ ७॥ किंच-एगत्तो संपजइ जहिच्छभोगोवभोगदुल्ललियं । धणमन्नत्तो सजणपसंसणिजा हि पवजा ॥८॥
एगत्तो छक्खंडाहिवस्स सेवा महानरिंदस्स । कीरइ अन्नत्तो पुण मुणिणो सद्धम्मनिरयस्स ॥९॥ | सुंदर! इमाओ दोन्नि उ गईउ लोयंमि सुप्पसिद्धाओ। एयाणं अन्नयरिं जे कुसला ते पवजंति ॥ १०॥
ता वजसु कम्ममिमं धम्म चिय सरसु तं महासत्त!। दीणाण दुत्थियाण य एसो एको परं सरणं ॥११॥ इय गोयमेण भणिए सबइलं लंगलं च मोत्तण । नमिउंचलणे सो भत्तिनिन्भरो भणिउमाढत्तो ॥ १२ ॥ भयवं! विनाणविवज्जियस्स जइ जोग्गयत्थि मे कावि । ता देहि निययदिक्खं भववासाओ विरत्तस्स ॥१३॥
॥२९
॥
Jain Educa
ional
For Private
Personal Use Only
Khainelibrary.org
