________________
श्रीगुणचंद
श्रीवीरस्य
महावीरच०
यशोदया विवाह,
४ प्रस्ताव
॥१३२॥
SISESEOSES-CORSA
पत्ता य तक्खणागयपुरोहियारद्धजलणकम्ममि । नववंदणमालामणहरंमि वरवेइगाभवणे ॥ ८॥ तत्तो पाणिग्गहणं पारद्धं गीयमंगलसणाहं । सयलतइलोकदावियपरमाणंदं महिड्डीए ॥९॥
एत्यंतरे उभयपक्खेहिवि काराविओ जणाणमुवयारो दावियाई मिगनाभिपमुहसुरहिगंधविलेवणाई सरभसरुंटतछप्पयपयनिवेसभञ्जिराई कुसुमदामाइं सुरहिगंधबंधुरा पडिवासा भूरिकप्पूरपारीपहाणाई पूगीफलसणाहाई नागवल्लीहै। दलाई देवंगचीणद्धचीणदोगुलपट्टपमुहाई पवरवत्थाई केयूरकुंडलकिरीडतुडियकडयाइणो आभरणविसेसा सिंधुतुरु-1
कवल्लीयवजरकंबोजाइसुखेत्तजायाओ तुरयबंदुराओ मंदभद्दाइविसिट्ठवंसप्पसूया महागयविसेसा, एत्यंतरे जलणे हुणिजमाणंमि महुघयाईहिं कन्नावराण वित्तं चउत्थमंडलगपरिभमणं, ताहे सेणावइणा आणंदुच्छलियबहलपुलएण कोडीबत्तीसं पवररूवस्स कणगस्स कुंडलकडिसुत्तयमणिकिरीडपमुहं तमाभरणं कचोलसिप्पिथालाइयं च कलहोयमयभंडं अइदूरदेससंभूयचित्तचेलाइं भूरिभेयाई कन्नाए पाणिविमोयणमि दिन्नाई कुमरस्स, सिद्धत्थनरिंदेणवि बहुगाए कणगवत्थलंकारा परितोसमुबहतेण वियरिया भुवणदुलंभा। __ एवं च सुरासुरनरपरितोसकारए वित्ते विवाहमहूसवे कए भोयणाइसक्कारंमि सट्ठाणेसु पडिनियत्तंमि रायलोए नियनयरमुवगयमि मेहनायसेणावइंमि ससहरकरगोरपासायसिहरसंठियस्स उचियसमए दिवविसयमणुर्भुजमाणस्स पुन्नपगरिसुप्पजंतचिंतियत्थस्स देवगणोवणिजमाणपवरवत्थगंधमल्लविलेवणालंकारस्त ववगयरोगायंकस्स कयाइ
॥१३२॥
Jain Education
-diona
For Private & Personal use only
nelibrary.org
