________________
काउं पटिओ, ता भो देवा! तुम्भे सबवलेणं सबविभूईए सबनाडएहिं सवालंकारविभूसाए दिवच्छरागणेणं परिवुडा पवरविमाणाई आरूढा मम सयासं पाउब्भवहत्ति, एवं भणिए हरिणेगमेसी देवे देवरण्णो वयणं विणएण पडिसुणित्ता तुरियगईए सोहम्मसभाए गंतूण सुघोसं घंटं तिक्खुत्तो ताडेइ, तीसे य पयंडनिग्घोसवसुच्छलंतपडिसहयपडिफलणवसेण अन्नाई एगूणाई बत्तीसं घंटासयसहस्साई समकालं रणज्झणारवं काउमारद्धाई, एवं च दिसि दिसि समुभवंतपडिनिग्घोसबहिरियदियंतरो सोहमकप्पो समुप्पन्नोत्ति । एत्थंतरे- . पंचविहविसयसेवापमत्तचित्ता समंतओ देवा । तं एगकालवजिरघंटागणगुरुसरं सोउं ॥१॥ चिंतंति सबओ किंचि (च) फुटबंभंडरवसमो घोरो। फालिहविमाणमालापडिफलणचउग्गुणीभूओ? ॥२॥ आपूरितोच दिसावगासमखिलं चराचरं लोगं । सद्देगसरूवंपिव कुणमाणो निययमहिमाए ॥३॥ संखुद्धमुद्धतियसंगणाहिं भयवेगतरलियच्छीहिं । हा नाह ! रक्ख रक्खत्ति जंपिरीहिं सुणिजंतो ॥४॥ दणुवइरणसुमरणतुतियसवंठोहकंठरवभीमो । अणिवारियं वियंभइ जयघंटारणरणारावो ॥५॥ इय चिंतावससिढिलियदइयादढकंठबाहुपासंमि । सबत्तो सुरनिवहे जायम्मि विमूढहिययंमि ॥६॥ खणमेत्तस्सऽवसाणे समत्थघंटारवंमि उवसंते । हरिणेगमेसिदेवो भणइ सुरे अवहिए जाए ॥७॥ भो भो तियसा ! सको तुम्भे आणवइ जह लहुं एह । जेण जिणजम्ममजणमहूसवो कीरए इण्हि ॥ ८॥
SEASON-SCARSAGARLS
Jain Educatel 291
For Private & Personel Use Only
M
ainelibrary.org
