________________
Jain Educator
पियविरहमहागहगहिओ इव दुट्ठो सहपाणप्पणढचित्तचेयणो इव खणंतरं चिट्ठिय सिसिरमारुएण समासासियसरीरो | थोवोवलद्धचेयणो मंदमंदमुम्मीलियलोयणजुयलो लज्जावसविसंकुल सव्यंगोवंगो अइदीणवयणो दीहमुस्ससिय रायाणमवलोइउं पवत्तो, नरवइणावि दढसंजायकरुणभावेण अइदुक्खिओ एसोत्ति उवलक्खिय भणिओ घोरसिवोभो किमवलोएसि ?, घोरसिवेण सगग्गयं भणियं - महाराय ! अवलोएमि नियकम्मपरिणइविलसियं, राहणा भणियं - किमेवं सविसायं जंपसि ?, सव्वहा धीरो भव परिहर दुरज्झवसायं परिचय कोवकंडुं विमुंच विजयाभिलासं अणुसर पसमाभिरई पियसु करुणारसं परिचिंतेसु जुत्ताजुत्तं समुज्झसु खुद्दजणोचियं वावारंति, अह समीहियत्थ| सिद्धी न जायत्ति सम्मसि ता गिण्हसु इमं परिकुवियकयंत जीहाकरालं नीलपहापडलसामलियस यलदिसिचक्कवालं मम करवालं, करेसु मम सरीरविणासणेण नियसमीहियसिद्धिं, जओ मुको मए संपयं पोरिसाभिमाणो तुह कज्जसाहडाएति । अवि य
अच्छउ तरंगभंगुरमसारगं नियसरीरयं दूरे । जीयंपि हु परहियकारणेण धारिंति सप्पुरिसा ॥ १ ॥ जं पुण पढमं चि तुज्झ कारणे नो समप्पिओ अप्पा | विहिओ य झाणविग्धो एयं नणु कारणं तत्थ ॥ २ ॥ मम विरहे एस जणो एसो नीसेससाहुवग्गो य । धम्मन्मंसमवस्तं पाविस्सर पावलोयाओ ॥ ३ ॥ इह तु गुरु दुक्खं उबलक्खिय बद्धकक्खड सहावं । निरवेक्खं मज्झ मणो जायं सेसेसु कज्जेसु ॥ ४ ॥
ational
For Private & Personal Use Only
www.jainelibrary.org
