________________
धम्माणुट्ठाणपरेण एगागिणा गहियपोसहेण पोसहसालाए ठायव्वं, ततो पुच्छिया उप्पला, तीएवि भणियं-सामि ! इमं चेव जुत्तं, तओ सो उम्मक्कमणिसुवण्णवत्थालंकाराइवित्थरो गओ पोसहसालं, पडिवज्जिऊण चउन्विहं सव्वपोसहं चिट्ठइ पसत्थज्झाणोवगओ । इओ य सयगो भोयणसमए जाए जाव न पासइ समागयं संखं तरसेव गिह पत्तो ताव तओ उप्पलं भणइ-सुरसाविए! कहिं गओ संखो ?, तीए भणियं-पोसहसालाए, तओ सोऽवि पत्तो तहिं, दिट्ठो मुणिव्व पसत्थज्झाणोवगओ संखो, पविट्ठो निसीहियापुरस्सरं पडिक्कमणं इरियावहियं आलोइय गम-d णागमणाए निमंतेइ वंदिऊण, जहा एह तुब्भे अइक्कमेइ भोयणवेला, तओ संखेण भणियं-न मे कप्पइ अज्ज | एवं काउं पडिवण्णसव्वपोसहस्स, तओ नाऊण तव्वइयरं गओ इमो सगिह, समं अण्णेहिं साहम्मिएहिं भुत्तो भोयणं संखस्स विचित्तधम्मवावारपरायणस्सऽइकंतो वासरो, एत्थंतरंमि अत्थगिरिसिहरावलंबी संवुत्तो दिवसयरो, तओ किं होइउं पवत्तं भुयणे ?, अविय-अलिणो निबद्धराया मोत्तुं मउलंतकमलसंडाई । वचंति वियसियं कुमुयमहव मलिणा न थिरपेम्मा ॥१॥ अरयं व सप्पहे दप्पणेव्व दिहिं खिवंति रविबिंबे । वल्लघरूसुयाओ कयसिंगाराओ तरुणीओ॥२॥ अरुणरविकिरणरंजियगिरिसिहराई समुण्णयाइ तहा । उत्तत्तकणयमइयाइं मेरुसिंगाई व
200R .
Jain Education inte
For Private Personal use only
ww.jainelibrary.org
